Skipulagsráð

Trúnaðaryfirlýsingar aðal- og varamanna og áheyrnarfulltrúa skipulagsráðs lagðar fram og undirritaðar.

Trúnaðaryfirlýsingar starfsmanna skipulagsráðs lagðar fram og undirritaðar.

Lögð fram til kynningar tillaga að verklagsreglum um lagnir í landi Akureyrarkaupstaðar. Tómas Björn Hauksson, forstöðumaður nýframkvæmda á umhverfis- og mannvirkjasviði, mætti á fundinn og kynnti málið.

Á fundi skipulagsráðs þann 30. maí sl. var samþykkt að heimila gerð deiliskipulagsbreytingar sem varðar breytt nýtingarhlutfall á lóðinni Geirþrúðarhagi 4 auk þess sem stærðardreifing íbúða í samræmi við umsókn var samþykkt. Í breytingunni sem nú er lögð fram er gert ráð fyrir að nýtingarhlutfall lóðarinnar hækki úr 0.43 í 0.56.

Lagt fram erindi Svans Daníelssonar fyrir hönd Hvalaskoðunnar Akureyrar ehf.,dagsett 19. júní 2018, þar sem óskað er eftir að skilmálum deiliskipulags sem ná til lóðarinnar Oddeyrarbót 2 verði breytt þannig að heimilt verði að byggja þar 300 fm hús á tveimur hæðum. Samkvæmt núgildandi skilmálum er heimilt að byggja allt að 200 fm hús á einni hæð. Meðfylgjandi eru drög að mögulegu útliti byggingar.

Á fundi skipulagsráðs þann 13. desember 2017 var samþykkt að heimila gerð deiliskipulagsbreytingar sem varðar viðbyggingu fyrir Hótel Kjarnalund. Í breytingunni sem nú er lögð fram er afmarkaður byggingarreitur við norðvesturhorn núverandi byggingar þar sem heimilt verður að byggja 180 fm viðbyggingu.

Lagt fram erindi Haraldar Árnasonar fyrir hönd Akurbergs ehf., kt. 460804-2210, dagsett 20. júní 2018, þar sem sótt er um lóðina Goðanes 5. Fram kemur að umsókn um lóðina er með fyrirvara um að heimilt verði að breyta deiliskipulagi svæðisins á þann veg að nýtingarhlutfall verði 0.32 í stað 0.30, að sameiginleg innkeyrsla verði fyrir lóðirnar og að hæðarkótum verði breytt og húsin stölluð.

Lagt fram erindi Haraldar Árnasonar fyrir hönd Akurbergs ehf., kt. 460804-2210, dagsett 20. júní 2018, þar sem sótt er um lóðina Goðanes 7. Fram kemur að umsókn um lóðina er með fyrirvara um að heimilt verði að breyta deiliskipulagi svæðisins á þann veg að nýtingarhlutfall verði 0.32 í stað 0.30, að sameiginleg innkeyrsla verði fyrir lóðirnar og að hæðarkótum verði breytt og húsin stölluð.

Á fundi bæjarráðs þann 21. júní 2018 var erindi Magna Rúnars Magnússonar og Hörpu Birgisdóttur, dagsettu 12. maí 2018, um viðræður um rekstur á "glamping" (glamorous camping) á Naustum 2 vísað til skipulagsráðs.

Lagt fram að nýju að lokinni grenndarkynningu erindi Rúnars Más Sigurvinssonar dagsett 26. febrúar 2018, þar sem óskað er eftir heimild til að breyta húsi nr. 1 við Móasíðu, sem áður var leikskóli, í íbúðir. Að auki er gert ráð fyrir byggingu á allt að 750 fm húsi á tveimur hæðum með 13 íbúðum. Heildarfjöldi íbúða á lóðinni verða 20 og fjöldi bílastæða allt að 34. Nýtingarhlutfall lóðar verður 0.38. Var erindið grenndarkynnt með bréfi dagsettu 11. maí 2018 með fresti til 7. júní til að gera athugasemdir. Tíu athugasemdabréf bárust undirrituð af 29 aðilum. Þá liggur einnig fyrir greinargerð umsækjanda, móttekin 18. júní 2018. Afgreiðslu málsins var frestað á fundi skipulagsráðs 20. júní 2018. Auk ofangreindra gagna er nú lögð fram yfirlýsing eigenda íbúða við Móasíðu 1 dagsett 12. júní 2018 og tillaga sviðsstjóra skipulagssviðs að svörum við innkomnum athugasemdum.

Á fundi skipulagsráðs þann 2. maí sl. var samþykkt að heimila gerð deiliskipulagsbreytingar í samræmi við umferðaröryggisaðgerðir á þjóðvegi 1 með því að gera ráð fyrir framhjáhlaupi á Þórunnarstræti til hægri, til suðurs inn á Glerárgötu. Er nú lögð fram tillaga að breytingu á deiliskipulagi dagsett 22. júní 2018 þar sem gert er ráð fyrir framhjáhlaupi, skipulagssvæðið hefur verið aðlagað að deiliskipulagi Norður-Brekku og deiliskipulagi miðbæjar Akureyrar auk breytinga á göngustígum, gangbrautum og umferðareyjum.