Skipulagsráð

Erindi dagsett 24. mars 2017 þar sem Fanney Hauksdóttir f.h. Norðurbrúar ehf., kt. 610808-1310, óskar eftir heimild skipulagsráðs til að breyta deiliskipulagi fyrir Hafnarstræti 80. Sótt er um að hafa bílastæði við Hafnarstræti, auka heildarlengd kvista við inngarð og auka byggingarmagn vegna kjallara.

Á fundinn komu Fanney Hauksdóttir arkitekt og Halldór Jóhannsson fyrir hönd Norðurbrúar og kynntu umbeðnar breytingar.

Erindi dagsett 23. febrúar 2017 þar sem Andri Teitsson f.h. Fallorku ehf., kt. 600302-4180, sækir um útgáfu á framkvæmdarleyfi fyrir 2. áfanga þrýstipípu Glerárvirkjunar II. Við framkvæmd 1. áfanga var svæði utan heimilaðs framkvæmdarsvæðis raskað og malarefni fjarlægt utan framkvæmdarsvæðisins. Skipulagsráð samþykkti 15. febrúar 2017 að útgáfa framkvæmdarleyfis fyrir 2. áfanga væri háð því að fjarlægðu efni verði skilað og gengið verði frá raskaða svæðinu í sama ástandi og það var.

Meðfylgjandi er yfirlýsing verktaka og verkkaupa um frágang og efnisskil á lagnasvæði. Lagt fram bréf Fallorku dagsett 23. mars 2017.

Jón Birgir Gunnlaugsson umhverfisfulltrúi mætti á fundinn og einnig Franz Árnason og Bergur Steingrímsson fulltrúar Fallorku.

Erindi dagsett 23. júní 2016 þar sem Haraldur Árnason fyrir hönd Laxagötu ehf., kt. 481214-0680, sækir um breytingu á deiliskipulagi fyrir lóð nr. 26 við Hafnarstræti. Skipulagsráð heimilaði umsækjanda þann 8. mars 2017 að leggja fram tillögu að breytingu á deiliskipulagi. Tillaga að breytingu var lögð fram á fundi 15. mars 2017 og frestaði skipulagsráð erindinu. Á fundinn komu Haraldur Árnason, Ármann Sverrisson, Ólafur Jensson og Kári Arnór Kárason og kynntu fyrirhugaðar framkvæmdir og ósk um deiliskipulagsbreytingu.

Erindi dagsett 9. júní 2016 þar sem Þorbjörg Dóra Gunnarsdóttir sækir um lóðarstækkun á lóð nr. 9a við Lækjargötu.

Skipulagsnefnd samþykkti að grenndarkynna tillögu að breytingu á deiliskipulagi á fundi 14. desember 2016.

Erindið var grenndarkynnt frá 27. desember 2016 til 25. janúar 2017.

Ein athugasemd barst:

1) Erna Magnúsdóttir, dagsett 24. janúar 2017.

Ef skipta á upp bílastæðinu milli Lækjargötu 7 og 9a þá er óskað eftir því að það verði gert til helminga. Áratuga löng hefð er fyrir því að nýta bílastæðið sameiginlega. Ekki er hægt að koma fyrir bílastæði norðan við hús nr. 7 eins og sýnt er í skipulagi.

Óskað var eftir að mælt verði út það svæði sem er í eigu bæjarins til að sjá hversu stórt svæði hefur fylgt Lækjargötu 7 frá upphafi. Lögð fram athugun sviðsstjóra skipulagssviðs varðandi lausn bílastæðanna, en hann hafði rætt við eigendur húsa Lækjargötu 7 og 9a.

Skipulagsráð frestaði erindinu þann 15. febrúar 2017.

Erindi dagsett 21. september 2016 þar sem Ingólfur Guðmundsson fyrir hönd Björns Birgis Björnssonar sækir um breytingu á deiliskipulagi fyrir Aðalstræti 19. Skipulagsráð heimilaði umsækjanda þann 28. september 2016 að leggja fram tillögu að breytingu á deiliskipulagi. Skipulagsnefnd samþykkti á fundi 25. janúar 2017 að grenndarkynna tillögu að breytingu á deiliskipulagi.

Tillagan var grenndarkynnt frá 2. febrúar með athugasemdafresti til 3. mars 2017.

Tvær athugasemdir bárust:

1) Tryggvi Sveinsson, dagsett 13. febrúar 2017.

Ekki er gerð athugasemd við að reistur verði bílskúr en þá þarf aðgengi að vera frá Aðalstræti. Þó þarf það að vera tryggt að hann verði notaður sem slíkur en ekki túristaskúr. Aðkoma að lóðinni á að vera frá Aðalstræti. Óskað er eftir skýringum af hverju aðgengi er nú frá Duggufjöru.

2) Undirskriftalisti 8 íbúa við Aðalstræti, dagsettur 27. febrúar 2017.

Gerð er athugasemd við byggingu bílskúrs þar sem rekstur gistihúss í Aðalstræti 19 með 8-10 herbergjum og þeirri bílaumferð sem því fylgir, þá er ekki pláss fyrir bílskúr á lóðinni. Að lágmarki þurfa að vera 6 bílastæði. Áhyggjur er uppi um að fyrirhuguð bygging verði nýtt sem aukið gistirými sem enn myndi auka þörf fyrir bílastæði. Verði samt sem áður þessi breyting leyfð er gerð sú krafa að ekki geti verið gistirými í byggingunni. Grenndarkynningin tekur ekki til Aðalstrætis 28 sem þó verður fyrir óþægindum vegna starfseminnar.

Íbúum Aðalstrætis 28 var sýnd grenndarkynningin af nágrönnum og skrifuðu einnig undir undirskriftalistann.

Skipulagsráð frestaði erindinu á fundi 15. mars 2017.

Erindi dagsett 4. janúar 2017 þar sem Haraldur Árnason fyrir hönd Trétaks ehf., kt. 551087-1239, sækir um breytingar á deiliskipulagi. Sótt er um að fjölga íbúðum og auka nýtingarhlutfall. Skipulagsráð frestaði erindinu á fundi 25. janúar 2017 og heimilaði deiliskipulagsbreytingu á fundi 8. febrúar 2017.

Erindi dagsett 25. janúar 2017 þar sem Valþór Brynjarsson f.h. Kristjáns Ragnarssonar óskar eftir að fá að byggja við Gránufélagsgötu 35.

Skipulagsráð heimilaði umsækjanda þann 8. febrúar 2017 að leggja fram tillögu að breytingu á deiliskipulagi. Tillagan er dagsett 9. mars 2017 og unnin af Valþóri Brynjarssyni. Leitað var eftir umsögn Minjastofnunar Íslands fyrir breytingum á húsinu og viðbyggingu. Umsögnin barst 14. mars 2017. Minjastofnun gerir ekki athugasemdir við áætlunina með fyrirvara um að byggingarnefndarteikningar berist til umsagnar.

Erindi dagsett 10. febrúar 2017 þar sem Jón Kristján Ólason sækir um lóðarstækkun til norðurs á lóð nr. 1 við Spítalaveg. Meðfylgjandi er umboð frá Leonard Jóhannssyni og teikning eftir Harald Árnason. Skipulagsráð frestaði erindinu 8. mars 2017. Samþykki eiganda Spítalavegar 1 og Aðalstrætis 2 um breytta stærð lóða liggur fyrir.

Erindi dagsett 28. febrúar 2017 þar sem Sigurður Einarsson fyrir hönd N1 hf., kt. 540206-2010, sækir um byggingarleyfi fyrir viðbyggingu við núverandi þjónustustöð og breytingu á innra skipulagi. Meðfylgjandi eru teikningar eftir Sigurð Einarsson.

Erindi dagsett 23. mars 2017 þar sem Hjálmar Pálsson óskar eftir að fá heimild til að breyta deiliskipulagi í Giljahverfi og stækka byggingarreit við Merkigil 2 til norðurs. Meðfylgjandi er samþykki meðeiganda lóðar.

Erindi dagsett 23. mars 2017 þar sem Tómas Björn Hauksson f.h. umhverfis- og mannvirkjasviðs Akureyrar, sækir um breytingu á afmörkun lóðar fyrir malbikunarstöð á Glerárdal.

Skipulagsráð samþykkti á fundi 15. febrúar 2017 að senda til umsagnar uppfærðan uppdrátt af deiliskipulagi íþróttasvæðis Þórs sem breyta á samhliða deiliskipulagi Melgerðisáss. Nýtt svæði fyrir kastíþróttir verður skilgreint. Tillagan er dagsett 13. febrúar 2017 og unnin af Gísla Kristinssyni arkitekt.

Tvær umsagnir bárust.

1) UFA, dagsett 28. febrúar 2017.

Stjórn UFA er sátt við drögin í núverandi mynd og gerir ekki athugasemd.

2) Íþróttafélagið Þór, dagsett 21. febrúar 2017.

Íþróttafélagið er mótfallið því að taka allt svæðið norðan Skarðshlíðar undir íbúðabyggð. Í tillögunni er ökuleið áfram inni en nokkur hæðarmunur er á núverandi hæð ökuleiðar og knattspyrnuvalla sunnan hennar. Nauðsynlegt er fyrir íþróttafélagið að sjá hvernig á að útfæra þetta. Möguleiki er að leggja af þann hluta ökuleiðar sem er á milli merkts knattspyrnuvallar og Bogans. Hugmyndin gengur aðeins upp ef samstarf Þórs og UFA sé náið og hnökralaust.


Ekki bárust umsagnir frá Íþróttabandalagi Akureyrar, Hverfisnefnd Holta- og Hlíðahverfis og frístundaráði.

Skipulagsnefnd samþykkti þann 11. maí 2016 að hefja vinnu við gerð deiliskipulags Holtahverfis og svæðisins austan Krossanesbrautar. Lagt er til að stofnaður verði launaður vinnuhópur og er meðfylgjandi tillaga að umfangi og tímaáætlun.

Erindi dagsett 15. mars 2017 þar sem Gunnar Rúnar Gunnarsson fyrir hönd Háskólans á Akureyri, kt. 520687-1229, sækir um breytingar á skiltum við Háskólann, Norðurslóð 2, og að breyta svæðinu í kring í vistgötu. Einnig er sótt um að fá að setja merkingar við klukkuna. Lýsing á fjölförnum leiðum að Háskólanum er lítil og er óskað eftir að bætt sé úr því.

Erindi dagsett 13. mars 2017 þar sem Haraldur Jósefsson fyrir hönd Norðurorku hf., kt. 550978-0169, sækir um framkvæmdaleyfi vegna framkvæmda á lengingu á yfirfallslögn fyrir dælustöð Hafnarstræti 32. Meðfylgjandi er mynd.

Skipulagnefnd fól Tryggva Má Ingvarssyni og Edward Hákoni Huijbens á fundi 23. mars 2016 að legja fram tillögur til endurskoðunar reglna um lóðarveitingar. Tillaga að endurskoðun er lögð fram.

Erindi dagsett 23. febrúar 2017 þar sem Þröstur Sigurðsson fyrir hönd AJS fasteigna ehf., kt. 420502-2570, sækir um byggingarleyfi fyrir breytingum á skipulagi á 2. hæð. Áætlað er að breyta hluta skrifstofu í íbúðir. Meðfylgjandi eru teikningar eftir Þröst Sigurðsson.

Innkomin umsögn Minjastofnunar 21. mars 2017.

Erindi dagsett 9. mars 2017 þar sem Arinbjörn Kúld f.h. Íslandsnökkva ehf., kt. 680217-2110 sækir um leyfi til að hafa svifnökkva á Leirutjörn.

Erindi dagsett 9. febrúar 2017 þar sem ÁK smíði ehf., kt. 450404-2840, lýsir yfir áhuga á lóð nr. 6 við Rangárvelli. Meðfylgjandi er mynd og yfirlýsing viðskiptabanka. Formleg umsókn um lóð komin 8. mars 2017.

Á fundi sínum þann 23. febrúar 2017 vísaði bæjarráð til skipulagsdeildar 3. lið úr fundargarð viðtalstíma bæjarfulltrúa dagsett 16. febrúar 2017.

Davíð Reynisson mætti í viðtalstíma bæjarfulltrúa.

Hann er eigandi Rekverks. Hann flutti fyrirtækið til Hörgárbyggðar þar sem hann fékk ekki lóð á Akureyri sem hentar fyrirtækinu og benti á að önnur fyrirtæki séu í sömu stöðu. Vantar stórar lóðir með litlu byggingarmagni segir hann.

Skipulagsnefnd samþykkti 26. ágúst 2015 að gerðar yrðu verklagsreglur um leyfisveitingar fyrir gáma. Lögð voru fram drög að verklagsreglum. Skipulagsnefnd frestaði erindinu á fundi 22. júní, 12. október, 30. nóvember og 14. desember 2016. Lögð eru fram drög að verklagsreglum.

Fundargerð dagsett 16. mars 2017. Lögð var fram fundargerð 624. fundar með fullnaðarafgreiðslum erinda. Fundargerðin er í 8 liðum.

Fundargerð dagsett 23. mars 2017. Lögð var fram fundargerð 625. fundar með fullnaðarafgreiðslum erinda. Fundargerðin er í 10 liðum.

Skipulagsráð tekur til umfjöllunar drög að matsáætlun fyrir sjókvíaeldi í Eyjafirði.