Skipulagsnefnd

128. fundur 30. nóvember 2011 kl. 08:00 - 12:00 Bæjarstjórnarsalur á 4. hæð í Ráðhúsi
Nefndarmenn
  • Helgi Snæbjarnarson formaður
  • Eva Reykjalín Elvarsdóttir
  • Haraldur Sveinbjörn Helgason
  • Edward Hákon Huijbens
  • Sigurður Guðmundsson
  • Pétur Bolli Jóhannesson skipulagsstjóri
  • Leifur Þorsteinsson fundarritari
Fundargerð ritaði: Leifur Þorsteinsson Verkefnastjóri
Dagskrá

1.Dalsbraut sunnan Þingvallastrætis og nágrenni - deiliskipulag

Málsnúmer 2011050111Vakta málsnúmer

Tillaga að deiliskipulagi Dalsbrautar og nágrennis var auglýst frá 28. september til 10. nóvember 2011.
Tillagan var sett fram á deiliskipulags- og skýringaruppdráttum ásamt greinargerð, dagsett 12. september 2011.
Einnig fylgdi húsakönnun dagsett 12. september 2011 og skipulagslýsing dagsett 30. maí 2011 ásamt eftirtöldum skýrslum:
a) Hljóðstig við Dalsbraut og Miðhúsabraut - Línuhönnun - 2003.
b) Dalsbraut / Miðhúsabraut - Línuhönnun - 2004.
c) Athugun á þörf fyrir lagningu Dalsbrautar - Efla - 2010.
d) Ávinningur og kostnaður - Efla - 2010.
e) Hljóðvist, endurskoðun hljóðvarna við Dalsbraut - Efla - 2010.
54 athugasemdir bárust við tillöguna á athugasemdartíma.
Útdráttur úr innsendum bréfum kemur fram í meðfylgjandi skjali merktu "Dalsbraut - ath. dags. 30.11.11 - án svara".
Umsögn móttekin 30. nóvember 2011 frá Umhverfisstofnun dagsett 24. nóvember 2011 þar sem ekki er gerð athugasemd við deiliskipulagstillöguna. Einnig barst umsögn frá Skipulagsstofnun þann 1. nóvember 2011 sem telur að rökstyðja þurfi betur hvers vegna svokallaður núllkostur hafi neikvæð áhrif á samgöngur. Svar við því er að finna í athugasemdaskjali merku "Dalsbraut - svör við athugasemdum 30.11.11"

Svör við athugasemdum koma fram í skjali merktu "Dalsbraut - svör við athugasemdum 30.11.11".

Meirihluti skipulagsnefndar leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

Edward H. Huijbens sat hjá við afgreiðsluna.

 

2.Miðbær suðurhluti - deiliskipulag Drottningarbrautarreits

Málsnúmer SN100014Vakta málsnúmer

Skipulagsstjóri lagði fram tillögu að breytingu á deiliskipulagi syðsta hluta miðbæjarskipulagsins sem nú er í gildi. Tillagan er unnin af Árna Ólafssyni frá Teiknistofu arkitekta ehf, dags. 30.11.2011 sem einnig kynnti tillöguna.

Skipulagsnefnd þakkar Árna Ólafssyni fyrir kynninguna.
Frestað.

3.Klettaborg - deiliskipulagsbreyting

Málsnúmer 2011090088Vakta málsnúmer

Í samræmi við bókanir skipulagsnefndar dagsettar 27. júlí 2011 og 24. ágúst 2011 þar sem ákveðið var að gera breytingar á deiliskipulagi Klettaborgar leggur skipulagsstjóri fram tillögu að breytingu á deiliskipulagi dagsetta 30. nóvember 2011 og unna af Gísla Kristinssyni frá Arkitektur.is.

Skipulagsnefnd leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

4.Hólmatún 1 - Umsókn um lóð

Málsnúmer 2011110098Vakta málsnúmer

Erindi dagsett 15. nóvember 2011 þar sem Anton Örn Brynjarsson, f.h. Byggingarfélagsins Hyrnu ehf., kt. 710594-2019, sækir um lóð nr. 1 við Hólmatún.

Skipulagsnefnd samþykkir erindið. Deiliskipulagsskilmálar ásamt almennum byggingarskilmálum gilda.

5.Naustahverfi 1. áfangi - Hólmatún 1 og 3 - 5, breyting á deiliskipulagi

Málsnúmer 2011110159Vakta málsnúmer

Erindi dagsett 15. nóvember 2011 frá Antoni Erni Brynjarssyni þar sem hann f.h. Byggingarfélagsins Hyrnu ehf., kt. 710594-2019, óskar eftir heimild til að gera tillögu að breytingu á deiliskipulagi lóðanna nr 1 og 3-5 við Hólmatún í samræmi við meðfylgjandi tillögu, þannig að leyft verði að byggja tveggja hæða fjölbýlishús á lóðunum.

Skipulagsnefnd heimilar umsækjanda að leggja fram tillögu að breytingu á deiliskipulagi í samræmi við innsenda tillögu. Breytingin verði unnin í samræmi við 1. mgr. 43. gr. skipulagslaga nr. 123/2010.

6.Hafnarstræti 18b - breyting á aðalskipulagi

Málsnúmer 2011110082Vakta málsnúmer

Erindi dags. 4. nóvember 2011 frá Örnu Bryndísi Baldvinsdóttur þar sem hún f.h. eigenda lóðarinnar Hafnarstrætis 18b gerir þá kröfu að Aðalskipulagi Akureyrar verði breytt þannig að eignarlóðin verði öll innan skilgreinds íbúðasvæðis en ekki að hluta inni á óbyggðu svæði sem ætlað sé fyrir tvöföldun Drottningarbrautar.

Skipulagsnefnd óskar eftir umsögn Vegagerðarinnar um breytingu á eignarlóðinni við Hafnarstræti 18b þar sem hluti eignarlóðarinnar er innan veghelgunarsvæðis Drottningarbrautar sem er stofnbraut (stofnvegur) og fellur því undir vegalög nr. 80/2007.

7.Skipulagsstofnun - ný skipulagsreglugerð

Málsnúmer 2010090079Vakta málsnúmer

Erindi dagsett 3. nóvember 2011 frá umhverfisráðuneytinu þar sem óskað er eftir umsögn vegna gerðar nýrrar skipulagsreglugerðar. Óskað er eftir að umsögnin berist ráðuneytinu eigi síðar en 1. desember 2011.

Skipulagsstjóra og formanni skipulagsnefndar er falið að fullgera umsögn um drög að nýrri skipulagsreglugerð í samræmi við umræður á fundinum.

8.Gjaldskrá fyrir þjónustugjöld og gjöld skv. skipulagslögum og lögum um mannvirki.

Málsnúmer 2011030003Vakta málsnúmer

Skipulagsstjóri lagði fram tillögu að breytingu á gjaldskrá byggingarleyfis-, afgreiðslu- og þjónustugjalda.

Skipulagsnefnd leggur til við bæjarstjórn að tillaga um breytingar á byggingarleyfis-, afgreiðslu- og þjónustugjöldum verði samþykkt.

9.Afgreiðslur skipulagsstjóra 2010-2011

Málsnúmer 2010010128Vakta málsnúmer

Fundargerð dagsett 23. nóvember 2011. Lögð var fram fundargerð 374. fundar með fullnaðarafgreiðslum erinda. Fundargerðin er í 16 liðum.

Lagt fram til kynningar.

Fundi slitið - kl. 12:00.