Samfélags- og mannréttindaráð

Bergljót Jónasdóttir forstöðumaður tómstundamála og Anna Karen Úlfarsdóttir deildarstjóri í félagsstarfi aldraðra komu á fundinn og ræddu reynsluna af sameiningu Punktsins og félagsstarfs aldraðra. Rætt var um stefnu og framtíðarsýn um tómstundamál. Meðfylgjandi samantekt vinnuhóps um tómstundir frá nóvember 2013, ásamt erindisbréfi hópsins.

Lagt fram bréf með bókun bæjarráðs frá 10. apríl 2015. Þar er erindum sem þrír stjórnarmenn í Félagi aldraðra á Akureyri báru fram í viðtalstíma bæjarfulltrúa 26. mars 2015, vísað til samfélags- og mannréttindadeildar. Fyrir samfélags- og mannréttindaráð voru lagðir fram til umræðu 5. liður a) um sumarlokanir í félagsmiðstöðvum og d) óskir um bætta aðstöðu í félagsaðstöðu í Bugðusíðu.
Bergjót Jónasdóttir forstöðumaður tómstundamála og Anna Karen Úlfarsdóttir deildarstjóri í félagsstarfi aldraðra sátu fundinn undir þessum lið.

Unnið hefur verið að stofnun og samþykkt um öldungaráð á Akureyri í samstarfi við Félag eldri borgara.
Framkvæmdastjóri samfélags- og mannréttindadeildar lagði fram til kynningar drög að samþykkt, sem enn eru í vinnslu.
Bergljót Jónasdóttir forstöðumaður tómstundamála sat fundinn undir þessum lið.

Alfa Aradóttir forstöðumaður forvarna- og æskulýðsmála mætti á fundinn og kynnti vinnu og þróun við sértækt hópastarf. Skólasmiðja - óhefðbundið skólaúrræði í Rósenborg var sérstaklega kynnt. Meðfylgjandi er stutt lýsing á úrræðinu, ásamt umsóknareyðublaði og þrepaskiptingu verkefna.