Samfélags- og mannréttindaráð

Samfélags- og mannréttindaráð ítrekar bókun sína frá fundinum 15. nóvember sl. um að ráðið hafi lagt áherslu á að standa vörð um þjónustu við eldri borgara samanber nýlegan samning við Félag eldri borgara. Rétt er þó að vekja athygli á því að gerðar voru skipulagsbreytingar vegna kröfu um hagræðingu í rekstri tómstundaúrræða sbr. bókun ráðsins á fundi 20. september sl. en samfélags- og mannréttindaráði var gert skv. tillögum aðgerðahóps um framtíðarrekstur Akureyrarbæjar að hagræða fjárhagslega sem einungis var framkvæmanlegt með því að hagræða í starfsmannahaldi. Það mun þó ekki þýða skerðingu á tómstundastarfi eldri borgara.

Samkvæmt upplýsingum af fundi forstöðumanns tómstundamála og stjórnar Félags eldri borgara þá er það mat stjórnar Félags eldri borgara að ekki sé um skerðingu á þjónustu að ræða á tómstundastarfi eldri borgara.

Þá vill ráðið benda á að umsjón dagþjónustu er á höndum Öldrunarheimila Akureyrar. Samfélags- og mannréttindaráð óskar því eftir að velferðarráð fjalli um ábendinguna sem fram kom í viðtalstíma bæjarfulltrúa.

Erindið hefur verið í vinnslu hjá forstöðumanni tómstundamála sem mun vinna málið áfram með forstöðumanni Glerársundlaugar.

Samfélags- og mannréttindaráð felur forstöðumanni forvarna- og æskulýðsmála að vinna málið áfram og leita eftir frekara samstarfi við önnur svið bæjarins.

Samfélags- og mannréttindaráð samþykkir útgáfu efnisins og þakkar vinnuhópnum fyrir vel unnin störf og fagnar komandi útgáfu á efni um skjánotkun barna sem verður borið út á hvert heimili á Akureyri á nýju ári.

Samfélags- og mannréttindaráð fagnar nýju aðalskipulagi og felur framkvæmdastjóra að koma athugasemdum ráðsins á framfæri til skipulagsstjóra.

Heiðrún Ósk Ólafsdóttir D-lista bókaði eftirfarandi:

Í samþykkt um stjórn og fundarsköp Akureyrarkaupstaðar sem samþykkt var í bæjarstjórn í seinna sinn 17. mars 2015, segir í 50. gr. um ráðningu í æðstu stjórnunarstöður: „Bæjarstjóri, í umboði bæjarstjórnar og að fenginni umsögn viðkomandi fagnefnda, ræður embættismenn sem heyra beint undir hann í skipuriti svo og framkvæmdastjóra fyrirtækja með sjálfstæðan fjárhag sem eru í eigu bæjarsjóðs og veitir þeim lausn frá starfi.“

Í ljósi þessa ákvæðis geri ég alvarlega athugasemd við þá ákvörðun bæjarstjóra að leita ekki eftir umsögn samfélags- og mannréttindaráðs við ráðningu í stöðu sviðsstjóra samfélagssviðs.



Meirihluti fulltrúa í samfélags- og mannréttinda bókar:

Meiriluti samfélags- og mannréttindaráðs bendir á að bókuninni hefur þegar verið svarað á fundi bæjarráðs dagsett 8. desember 2016.

Samfélags- og mannréttindaráð þakkar farsælt og gott samstarf innan ráðsins sem og við starfsmenn deildarinnar.

Samfélags- og mannréttindaráð óskar nýju ráði velfarnaðar og öllum Akureyringum gleðilegrar hátíðar og farsældar á komandi ári