Samfélags- og mannréttindaráð

Lagt fram til kynningar minnisblað frá Unicef á Íslandi, undirritað af Bergsteini Jónssyni framkvæmdastjóra. Erindið er ódagsett en barst í tölvupósti 25. september 2015. Þar kemur fram að Akureyrarbæ verði boðið að taka þátt í innleiðingu Barnasáttmála Sameinuðu þjóðanna í samstarfi við Unicef á Íslandi.
Alfa Aradóttir forstöðumaður forvarna- og æskulýðsmála sat fundinn undir þessum lið.

Unnið að gerð fjárhagsáætlunar fyrir árið 2016. Einnig voru lagðar fram tillögur að gjaldskrám.
Alfa Aradóttir forstöðumaður æskulýðs- og forvarnamála sat fundinn undir þessum lið.

Rætt var um samninga og styrki og reglur ráðsins þar um. Framkvæmdastjóri greindi frá umræðum við fulltrúa Félags eldri borgara, Ljósmyndaklúbbsins Álku og fleiri.

Framkvæmdastjóri samfélags- og mannréttindadeildar kynnti hugmynd frá búsetudeild og forstöðumanni íþróttamála um ráðningu verkefnastjóra sem hefði það hlutverk að þróa tómstundir og íþróttir fyrir fatlað fólk á Akureyri. Lagt er til að verkefnastjórinn heyri undir samfélags- og mannréttindadeild og að 50% staða verkefnastjóra félagslegrar liðveislu á búsetudeild myndi renna saman við þetta nýja starf.
Hugmyndin hefur þegar verið kynnt í velferðarráði og íþróttaráði.