ÍBA - viðhalds- og búnaðaróskir og þarfir aðildarfélaga ÍBA

Fræðslu- og lýðheilsuráð óskar eftir því við umhverfis- og mannvirkjaráð að snjóblásari verður keyptur úr búnaðarsjóði UMSA fyrir golfvallarsvæðið fyrir allt að kr. 5,5 milljónir.


Fræðslu- og lýðheilsuráð tekur ákvörðun varðandi beiðni golfklúbbsins um styrk til búnaðarkaupa á traktor fyrir 16 milljónir í fjárhagsáætlunarvinnu ráðsins fyrir árið 2025.


Fræðslu- og lýðheilsuráð frestar afgreiðslu á beiðni Sundfélagsins Óðins og tekur ósk þeirra upp að nýju þegar nánari upplýsingar berast frá sundfélaginu.


Fræðslu- og lýðheilsuráð felur forstöðumanni íþróttamála að svara óskum UFA eins og þær rúmast innan reksturs æfinga- og keppnissvæðis félagsins.


Fræðslu- og lýðheilsuráð óskar eftir því við umhverfis- og mannvirkjaráð að farið verði sem fyrst í viðhaldsvinnu við gólfið í íþróttasal Íþróttamiðstöðvarinnar í Hrísey. Fræðslu- og lýðheilsuráð mun hafa ósk barna um að komið verði upp sparkvelli í Hrísey til hliðsjónar við gerð framkvæmdaáætlunar til næstu ára.


Fræðslu- og lýðheilsuráð getur ekki orðið við beiðni Píludeildar Þórs.

Viðar Valdimarsson vék af fundi undir umræðu og afgreiðslu beiðnar frá Píludeild Þórs.

Fræðslu- og lýðheilsuráð óskar eftir því við umhverfis- og mannvirkjaráð að keyptur verði traktor til afnota fyrir golfvallarsvæðið fyrir allt að 16 milljónir, fjármagnaður úr búnaðarsjóði UMSA. Einnig er óskað eftir því við UMSA að kanna möguleika á öðrum hagkvæmari leiðum til að verða við erindinu.

Fræðslu- og lýðheilsuráð vísar málinu til búnaðarkaupasjóðs UMSA fyrir árið 2025 og er forstöðumanni íþróttamála falið að fylgja málinu eftir.

Umhverfis- og mannvirkjaráð samþykkir fjárveitingu vegna kaupa á snjóblásara fyrir Golfklúbb Akureyrar að upphæð kr. 6 milljónir og kaupa á skjá vegna tímatöku fyrir Sundlaug Akureyrar að upphæð kr. 3 milljónir auk uppsetningarkostnaðar af liðnum stofnbúnaður fyrir aðalsjóð í framkvæmdaáætlun ársins 2025.