Hjúkrunarheimilið Hlíð - skipting lóðar

Málsnúmer 2024080401

Vakta málsnúmer

Skipulagsráð - 428. fundur - 14.08.2024

Lögð fram tillaga að skiptingu lóðarinnar Austurbyggð 17 í tvær lóðir. Lóðin er í dag skráð 21.812,9 fm að stærð og gerir tillagan ráð fyrir að afmörkuð verði ný 6.275,3 fm lóð utan um núverandi raðhús og bílastæði þar sunnan við.
Skipulagsráð samþykkir að gera breytingu á deiliskipulagi Hjúkrunarheimilisins Hlíðar til samræmis við fyrirliggjandi tillögu að skiptingu lóðarinnar. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og er ekki talin þörf á grenndarkynningu þar sem eingöngu er verið að breyta lóðarmörkum.

Skipulagsráð - 436. fundur - 11.12.2024

Á fundi skipulagsráðs 14. ágúst sl. var samþykkt að gerð yrði breyting á deiliskipulagi Hjúkrunarheimilisins Hlíðar sem fólst í að stofnuð yrði ný 6.275,3 fm lóð utan um núverandi raðhús og bílastæði þar sunnan við.


Er nú lögð fram uppfærð tillaga að skiptingu lóðarinnar sem felur í sér að lóð utan um raðhús verður 2.873,6 fm að stærð og að lóð hjúkrunarheimilisins verði 15.006,6 fm. Bílastæði sunnan raðhúsa verði utan lóða.

Þá er einnig bætt við kvöð um stíg frá Álfabyggð og til suðurs auk þess sem lega stígs um lóð Norðurorku breytist lítillega.
Skipulagsráð samþykkir að gera breytingu á deiliskipulagi Hjúkrunarheimilisins Hlíðar til samræmis við fyrirliggjandi tillögu að skiptingu lóðarinnar. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og er ekki talin þörf á grenndarkynningu þar sem eingöngu er verið að breyta lóðamörkum og kvöðum um stíga innan lóða Akureyrarbæjar og Norðurorku.