Vegagerðin - niðurfelling vegkafla af vegaskrá

Umhverfis- og mannvirkjaráð telur að Síðubraut sé fyrsta gata í þéttbýli en ekki Hrímland og vísar málinu til bæjarráðs til frekari umræðu og afgreiðslu.

Bæjarráð frestar afgreiðslu málsins og felur Ingu Þöll Þórgnýsdóttur bæjarlögmanni og Tómasi Birni Haukssyni verkefnastjóra nýframkvæmda og viðhalds gatna að koma með tillögu að bókun á næsta fund bæjarráðs.

Bæjarráð hafnar því að hluti Hlíðarfjallsvegar, um 1,6 km langur kafli milli Rangárvalla og Hrímlands falli af þjóðvegaskrá með þeim rökum Vegagerðar að þar sem tengivegir enda í þéttbýli skuli þeir ná að fyrstu þvergötu sem tilheyrir vegakerfi þéttbýlis og enda þar.

Í b. staflið 2. mgr. 8. gr. vegalaga nr. 80/2007 eru tengivegir skilgreindir. Þar segir m.a. að tengivegir séu vegir sem ná til þéttbýlisstaða með færri en 100 íbúa og tengja þá við stofnvegakerfið og vegir að fjölsóttum ferðamannastöðum utan þéttbýlis. Þar sem tengivegur endar í þéttbýli skal tengja hann fyrstu þvergötu sem tilheyrir vegakerfi þéttbýlisins og enda þar.

Þéttbýli er skilgreint svo í skipulagslögum nr. 123/2010 að það sé þyrping húsa þar sem búa a.m.k. 50 manns og fjarlægð milli húsa fer að jafnaði ekki yfir 200 metra. Þá megi afmarka þéttbýli með öðrum hætti í aðalskipulagi sveitarfélags. Akureyrarbær nýtti sér það að afmarka þéttbýli ofan við orlofsbyggðina Hrímland með öðrum hætti þegar aðalskipulagi var breytt árið 2018. Þar sem Hrímland er orlofsbyggð er enginn þar með fasta búsetu og því nær það ekki að vera þéttbýli skv. skipulagslögum. Þá tilheyrir Hrímland ekki vegakerfi þéttbýlisins en vegurinn er í einkaeigu Hálanda ehf. og er ekki í umsjá Akureyrarbæjar en bærinn kom ekkert að gerð vegarins. Þá liggur Hlíðarfjallsvegur að fjölsóttum ferðamannastað utan þéttbýlis.

Umhverfis- og mannvirkjaráð telur að Síðubraut sé fyrsta gata í þéttbýli en ekki Hrímland og vísar málinu til bæjarráðs til frekari umræðu og afgreiðslu.

Bæjarráð felur bæjarstjóra að ræða við Vegagerðina.