Hafnasamlag Norðurlands 2023

Málsnúmer 2023010868

Vakta málsnúmer

Bæjarráð - 3795. fundur - 26.01.2023

Umræða um Hafnasamlag Norðurlands og Dalvíkurbyggð. Fyrir liggur að sveitarstjórn Dalvíkurbyggðar hefur samþykkt að óska eftir viðræðum við Hafnasamlag Norðurlands um inngöngu Hafnasjóðs Dalvíkurbyggðar í samlagið.
Bæjarráð tekur jákvætt í erindið og leggur til við stjórn Hafnasamlags Norðurlands að láta meta hagkvæmni sameiningar.

Bæjarráð - 3809. fundur - 17.05.2023

Lögð fram til kynningar fundargerð 279. fundar stjórnar Hafnasamlags Norðurlands dagsett 10. maí 2023.

Bæjarráð - 3816. fundur - 24.08.2023

Lögð fram til kynningar fundargerð 280. fundar stjórnar Hafnasamlags Norðurlands dagsett 9. ágúst 2023.

Bæjarráð - 3817. fundur - 01.09.2023

Umræða um starfsemi Hafnasamlags Norðurlands.
Bæjarráð samþykkir samhljóða eftirfarandi bókun:

Komur skemmtiferðaskipa til Akureyrar hafa aukist síðustu ár og ljóst að komur skipanna hafa jákvæð áhrif á efnahag og atvinnulíf bæjarins, auk þess að setja svip sinn á bæjarlífið að sumarlagi. Það er þó ekki hægt að skauta fram hjá því að fjölgun á komum skemmtiferðaskipa fylgja ýmsar áskoranir. Nauðsynlegt er að á næstu árum verði áfram unnið að uppbyggingu innviða fyrir raftengingu skipa til þess að skemmtiferðaskip, sem og önnur skip, sem viðkomu hafa í höfnum geti tengst rafmagni í landi. Bæjarráð fagnar því að Hafnasamlag Norðurlands áformi að taka upp EPI umhverfiseinkunnakerfi sem vonandi mun nýtast þannig að umhverfisvænni skip fái ívilnanir en önnur álögur. Þá skuli unnið markvisst að því að dreifa álagi og lengja ferðatímabilið. Hafnasamlagið, Akureyrarbær og aðrir hagaðilar, s.s. önnur sveitarfélög og Markaðsstofa Norðurlands, ættu að sameinast um að kortleggja ávinning og áskoranir vegna komu skemmtiferðaskipa og móta aðgerðaáætlun, sem miðar að arðsamri og samkeppnishæfri starfsemi í sátt við samfélag og umhverfi.

Bæjarráð - 3820. fundur - 28.09.2023

Lögð fram til kynningar fundargerð 281. fundar stjórnar Hafnasamlags Norðurlands dagsett 19. september 2023.

Bæjarráð - 3823. fundur - 19.10.2023

Lögð fram til kynningar fundargerð 282. fundar stjórnar Hafnasamlags Norðurlands dagsett 11. október 2023. Einnig er lögð fram til kynningar greinargerð um stöðu mála hjá Hafnasamlagi Norðurlands vegna tilmæla til sveitarfélaga um samkeppnisaðstæður á flutningamarkaði.
Bæjarráð vísar greinargerð um stöðu mála Hafnasamlags til skipulagsfulltrúa til upplýsinga.

Bæjarráð - 3827. fundur - 16.11.2023

Lögð fram til kynningar fundargerð 283. fundar stjórnar Hafnasamlags Norðurlands dagsett 2. nóvember 2023.

Bæjarráð - 3832. fundur - 21.12.2023

Lögð fram til kynningar fundargerð 284. fundar stjórnar Hafnasamlags Norðurlands dagsett 13. desember 2023.