Krabbastígur 4 - umsókn um stækkun lóðar

Málsnúmer 2022070337

Vakta málsnúmer

Skipulagsráð - 385. fundur - 10.08.2022

Erindi dagsett 12. júlí 2022 þar sem Marco Pettinelli óskar eftir stækkun á lóð nr. 4 við Krabbastíg til að nýta sem bílastæði. Meðfylgjandi er skýringarmynd.
Skipulagsráð frestar afgreiðslu.

Skipulagsráð - 390. fundur - 26.10.2022

Erindi dagsett 11. júlí 2022 þar sem Marco Pettinelli sækir um stækkun lóðar nr. 4 við Krabbastíg. Meðfylgjandi er skýringarmynd og skýring á áformum varðandi lóðarstækkun.
Skipulagsráð frestar afgreiðslu málsins.

Skipulagsfulltrúa er falið að leita utanaðkomandi álits lögfræðings og Húsnæðis- og mannvirkjastofnunar.

Skipulagsráð - 391. fundur - 09.11.2022

Erindi dagsett 11. júlí 2022 þar sem Marco Pettinelli sækir um stækkun lóðar nr. 4 við Krabbastíg. Málið var áður á dagskrá skipulagsráðs þann 26. október sl. Var afgreiðslu þess frestað og skipulagsfulltrúa falið að leita álits óháðs lögfræðings og Húsnæðis- og mannvirkjastofnunar.
Skipulagsráð hafnar því að lóð Krabbastígs verði stækkuð til samræmis við erindið en samþykkir að unnið verði að breytingu á deiliskipulagi þannig að á þessu svæði verði aðkomuleið frá Krabbastíg 4 að Krákustíg um opið svæði í landi Akureyrarbæjar. Skipulagsráð samþykkir að fela skipulagsfulltrúa að vinna að gerð deiliskipulagsbreytingar fyrir umrætt svæði.

Skipulagsráð - 393. fundur - 14.12.2022

Lagðar fram tillögur Landslags ehf. að breytingu á deiliskipulagi fyrir lóð Krákustígs 1 (áður Oddeyrargötu 4B) til samræmis við bókun skipulagsráðs frá 9. nóvember sl. Tillögurnar gera ráð fyrir lítilsháttar breytingu á afmörkun lóðarinnar til að afmarka aðgengi að lóð Krabbastígs 4 um bæjarland.
Skipulagsráð samþykkir að gerð verði breyting á deiliskipulagi sem felur í sér tilfærslu á lóðarmörkum Krákustígs 1. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Krákustígs 1, Krabbastígs 4 og Munkaþverárstrætis 18.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð - 395. fundur - 25.01.2023

Grenndarkynningu á tillögu að breytingu á deiliskipulagi Norður-Brekku, neðri hluta vegna breytinga á lóðarmörkum Krákustígs 1 (áður Oddeyrargötu 4B) lauk þann 20. janúar sl.

Tvær athugasemdir bárust.
Skipulagsráð frestar afgreiðslu og felur skipulagsfulltrúa að útbúa drög að svörum við athugasemdum til samræmis við umræður á fundinum og leggja fyrir næsta fund ráðsins.

Skipulagsráð - 396. fundur - 15.02.2023

Grenndarkynninigu á tillögu að breytingu á deiliskipulagi Norður-Brekku, neðri hluta vegna breytinga á lóðarmörkum Krákustígs 1 (áður Oddeyrargötu 4B) lauk þann 20. janúar sl. Tvær athugasemdir bárust og eru þær lagðar fram ásamt drögum að svörum skipulagsfulltrúa við efni athugasemda.

Málið var áður á dagskrá skipulagsráðs þann 25. janúar sl. og var afgreiðslu frestað.
Skipulagsráð samþykkir framlagða tillögu að breytingu á deiliskipulagi Norður-Brekku, neðri hluta skv. 3. mgr. 41. gr. skipulagslaga nr. 123/2010. Þá samþykkir skipulagsráð jafnframt framlögð drög að svörum við efni athugasemda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.