Hafnarstræti 16 - umsókn um breytingu á deiliskipulagi

Málsnúmer 2021041151

Vakta málsnúmer

Skipulagsráð - 357. fundur - 28.04.2021

Lagt fram erindi Guðrúnar Ó. Sigurðardóttur dagsett 21. apríl 2021, fyrir hönd velferðarsviðs Akureyrarbæjar, þar sem óskað er eftir breytingu á deiliskipulagi sem nær til Hafnarstrætis 16. Vilji er til að breyta núverandi búsetukjarna í fjórar íbúðir og byggja síðan tvær til viðbótar í viðbyggingu til suðurs. Felur það í sér að stækka þarf lóðina og breyta skilmálum.
Stækkun lóðarinnar felur í sér að breyta þarf aðalskipulagi og stækka núverandi íbúðarsvæði á kostnað opins svæðis og leiksvæðis. Skipulagsráð samþykkir að fela sviðsstjóra skipulagssviðs að kynna lýsingu skv. 1. mgr. 30. gr. skipulagsslaga nr. 123/2010 sem felur í sér stækkun íbúðarsvæðis í samræmi við umsókn.

Skipulagsráð - 369. fundur - 10.11.2021

Lögð fram að lokinni kynningu skipulagslýsing fyrir breytingu á Aðalskipulagi Akureyrar 2018-2030 vegna Hafnarstrætis 16. Athugasemdafrestur rann út 27. október. Fjórar athugasemdir bárust. Umsagnir bárust frá Minjastofnun Íslands, Norðurorku og Skipulagsstofnun.

Afgreiðslu málsins er frestað.


Skipulagsráð - 387. fundur - 14.09.2022

Kynningu tillögu á vinnslustigi að breytingu á Aðalskipulagi Akureyrar 2018-2030 vegna áforma við Hafnarstræti 16 lauk þann 24. ágúst sl. Í breytingunni felst að gert er ráð fyrir lítilsháttar stækkun á lóð fyrir íbúðakjarna.

Tillagan var kynnt samhliða kynningu á breytingu á deiliskipulagi Innbæjar. Ellefu athugasemdir bárust við sameiginlega kynningu og eru þær lagðar fram undir fundarlið nr. 6 ásamt umsögnum frá Norðurorku og Minjastofnun Íslands.
Skipulagsráð leggur til við bæjarstjórn að hún samþykki framlagða tillögu að breytingu á Aðalskipulagi Akureyrar 2018-2030 og að hún verði auglýst skv. 31. gr. skipulagslaga nr. 123/2010 samhliða auglýsingu deiliskipulagsbreytingar og kynnt á opnu húsi í Ráðhúsi Akureyrarbæjar í október áður en auglýsingatíma lýkur.

Bæjarstjórn - 3515. fundur - 20.09.2022

Liður 5 í fundargerð skipulagsráðs dagsettri 14. september 2022:

Kynningu tillögu á vinnslustigi að breytingu á Aðalskipulagi Akureyrar 2018-2030 vegna áforma við Hafnarstræti 16 lauk þann 24. ágúst sl. Í breytingunni felst að gert er ráð fyrir lítilsháttar stækkun á lóð fyrir íbúðakjarna. Tillagan var kynnt samhliða kynningu á breytingu á deiliskipulagi Innbæjar. Ellefu athugasemdir bárust við sameiginlega kynningu og eru þær lagðar fram undir fundarlið nr. 6 ásamt umsögnum frá Norðurorku og Minjastofnun Íslands.

Skipulagsráð leggur til við bæjarstjórn að hún samþykki framlagða tillögu að breytingu á Aðalskipulagi Akureyrar 2018-2030 og að hún verði auglýst skv. 31. gr. skipulagslaga nr. 123/2010 samhliða auglýsingu deiliskipulagsbreytingar og kynnt á opnu húsi í Ráðhúsi Akureyrarbæjar í október áður en auglýsingatíma lýkur.

Halla Björk Reynisdóttir kynnti málið. Í umræðum tók til máls Hilda Jana Gísladóttir.
Bæjarstjórn samþykkir með 11 samhljóða atkvæðum að framlögð tillaga að breytingu á aðalskipulagi miðbæjar verði auglýst skv. 31. gr. skipulagslaga nr. 123/2010 samhliða auglýsingu deiliskipulagsbreytingar og kynnt á opnu húsi í Ráðhúsi Akureyrarbæjar í október áður en auglýsingatíma lýkur.