Grímsey - fyrirspurn til skipulagssviðs vegna vindmylla

Erindi dagsett 14. apríl 2021 þar sem Ómar Ívarsson fyrir hönd Fallorku hf. leggur inn fyrirspurn varðandi breytingu á aðalskipulagi í Grímsey til að reisa tvær vindmyllur.

Lýsing aðalskipulagsbreytingar lögð fram að lokinni kynningu skv. 1. mgr. 30. gr. skipulagslaga nr. 123/2010. Engin athugasemd barst en fyrir liggja umsagnir frá Skipulagsstofnun, Isavia, Minjastofnun og Umhverfisstofnun.

Lögð fram tillaga á vinnslustigi að breytingu á Aðalskipulagi Akureyrar 2018-2030 vegna áforma um vindmyllur í Grímsey.

Skipulagslýsing fyrir verkefnið var kynnt frá 19. maí til 9. júní 2021 og hefur tillagan verið unnin með tilliti til umsagna sem bárust.

Helgi Sveinbjörn Jóhannsson áheyrnarfulltrúi bar upp vanhæfi við afgreiðslu málsins og var það samþykkt. Vék hann af fundi undir umræðum og við afgreiðslu máls.

Kynningu á tillögu á vinnslustigi að breytingu á Aðalskipulagi Akureyrar 2018-2030 vegna áforma um uppsetningu vindmylla í Grímsey lauk þann 13. apríl 2022.

Tvær athugasemdir bárust auk umsagna frá Umhverfisstofnun, Minjastofnun Íslands og Náttúrufræðistofnun Íslands.

Eru umrædd gögn lögð fram undir fundarlið nr. 3 ásamt umsögn Fallorku við efni athugasemda og umsagna.

Kynningu á tillögu á vinnslustigi að breytingu á Aðalskipulagi Akureyrar 2018-2030 vegna áforma um uppsetningu vindmylla í Grímsey lauk þann 13. apríl 2022. Tvær athugasemdir bárust auk umsagna frá Umhverfisstofnun, Minjastofnun Íslands, Náttúrufræðistofnun Íslands og hverfisráði Grímseyjar. Eru umrædd gögn lögð fram undir fundarlið nr. 2.

Málið var áður á dagskrá skipulagsráðs þann 15. febrúar sl. og var afgreiðslu frestað.