Fjárveitingar til Háskólans á Akureyri og framhaldsskóla á svæðinu

Málsnúmer 2020110962

Vakta málsnúmer

Bæjarstjórn - 3485. fundur - 01.12.2020

Rætt um fjárveitingar til Háskólans á Akureyri og framhaldsskóla á svæðinu.

Hilda Jana Gísladóttir fór yfir stöðuna í fjárveitingum til Háskólans á Akureyri og framhaldsskóla á Norðurlandi eystra. Auk Hildu Jönu tók Gunnar Gíslason til máls.
Bæjarstjórn Akureyrarbæjar telur illa vegið að framhaldsskólum á Norðurlandi eystra þar sem þeir bera verulega skertan hlut frá borði í fjárlögum 2021 sé miðað við aðra framhaldsskóla landsins og að þeir raði sér í neðstu sætin séu prósentuhækkanir milli ára skoðaðar. Þá harmar bæjarstjórn að nú virðist vanta 150 milljónir króna á árinu 2021 til þess að Háskólinn á Akureyri geti staðið straum af verulegri aukningu stúdenta undanfarin ár, en óásættanlegt er ef skólinn fer að vísa nemendum frá námi vegna fjármagnsskorts. Framhaldsskólarnir og Háskólinn á Akureyri gegna mikilvægu hlutverki í sveitarfélaginu sem og í landshlutanum. Skólarnir skipta máli fyrir menntun í heimabyggð, atvinnutækifæri, byggðaþróun og almenn lífsgæði í landshlutanum. Bæjarstjórn Akureyrarbæjar skorar á ríkisstjórnina að standa ekki aðeins vörð um skólana, heldur að skapa þeim svigrúm til þess að sækja fram.