Aukið félagsstarf fullorðinna sumarið 2020 vegna COVID-19

Öldungaráð lýsir yfir ánægju með þetta framtak og að Akureyrarbær hafi sótt um styrki m.a. vegna heilsueflandi aðgerða.

Öldungaráð lýsir yfir ánægju með aukið félagsstarf sumarið 2020. Ráðið telur þó að bæta hefði mátt skipulag og framboð með samráði við öldungaráð, en ekki síður við Félag eldri borgara á Akureyri, en félagið sér samkvæmt samningi um rekstur félagsstarfsins í Bugðusíðu. Ekkert samráð var haft við félagið og engin ósk barst til þess að standa fyrir og sjá um hluta af þessari viðbót.

Velferðarráð þakkar starfsfólki Akureyrarbæjar fyrir góða vinnu við óvenjulegar aðstæður.

Vísað er til bókunar frá 31. ágúst 2020 þar sem ánægju var lýst með aukið félagsstarf. En ítrekað er að bæta hefði mátt skipulag og framboð með samráði og samvinnu við öldungaráð og Félag eldri borgara. Þessi ábending á einnig við um önnur verkefni sem unnin voru með styrk frá félagsmálaráðuneytinu.