Beiðni um samstarf vegna fjallahjólabrautar

Erindi dagsett 8. maí 2020 frá Ágústi Erni Pálssyni formanni Hjólreiðafélags Akureyrar þar sem óskað er eftir samstarfi við Akureyrarbæ um fjallahjólabraut.

Ágúst Örn mætti á fundinn.

Tekið fyrir að nýju erindi dagsett 8. maí 2020 frá Ágústi Erni Pálssyni formanni Hjólreiðafélags Akureyrar þar sem óskað er eftir samstarfi við Akureyrarbæ um fjallahjólabraut. Erindið var áður á dagskrá stjórnar Hlíðarfjalls þann 18. maí sl. og þá var forstöðumanni Hlíðarfjalls falið að leggja mat á kostnað við þá liði sem snúa að hugsanlegu framlagi Hlíðarfjalls til þessa samstarfs um fjallahjólabraut.

Áætlaður kostnaður er um 6 milljónir króna og þar af er vélakostnaður 4,5 milljónir.

Stefán Gunnarsson svæðisstjóri sat fundinn undir þessum lið.

Erindi dagsett 8. maí 2020 frá Hjólreiðafélagi Akureyrar. Erindið er í 8 liðum og þarf frístundaráð að taka afstöðu til 7. liðar þar sem óskað er eftir því að Akureyrarbær gangist við eignarhaldi og ábyrgð á fjallahjólabrautum og skilgreini þær sem íþróttamannvirki.

Ellert Örn Erlingsson forstöðumaður íþróttamála og Helgi Rúnar Bragason framkvæmdastjóri ÍBA sátu fundinn undir þessum lið.

Á fundi frístundaráðs þann 12. ágúst sl. var til umræðu beiðni Hjólreiðafélags Akureyrar um að Akureyrarbær gangist við eignarhaldi og ábyrgð á fjallahjólabrautum og skilgreini þær sem íþróttamannvirki. Á þeim fundi var samþykkt að óska eftir umsögn skipulagssviðs. Umsögnin lögð fram til kynningar.

Ellert Örn Erlingsson forstöðumaður íþróttamála sat fundinn undir þessum lið.