Hörgárbraut - umferðaröryggismál

Rætt um umferðaröryggismál á Hörgárbraut í ljósi umferðarslyss sem varð á gangbraut rétt sunnan við Stórhólt. Slysið var með þeim hætti að ekið var á 7 ára barn sem var að fara yfir gangbrautina en ökumaður ók yfir á rauðu ljósi.

Rætt að nýju um umferðaröryggismál á Hörgárbraut á svæði milli hringtorgs við Undirhlíð og Glerár. Á fundinn mættu Margrét Silja Þorkelsdóttir frá Vegagerðinni og Jónas Valdimarsson verkefnastjóri hönnunar á umhverfis- og mannvirkjasviði.

Sviðsstjóri skipulagssviðs fór yfir stöðu mála varðandi vinnu við að skoða mögulegar úrbætur til að bæta umferðaröryggi á Hörgárbraut milli Glerár og Undirhlíðar.

Lagt fram minnisblað dagsett 16. apríl 2020 um tillögur að úrbótum til að bæta umferðaröryggi á Hörgárbraut milli Glerár og Undirhlíðar.

Liður 3 í fundargerð skipulagsráðs dagsettri 22. apríl 2020:

Lagt fram minnisblað dagsett 16. apríl 2020 um tillögur að úrbótum til að bæta umferðaröryggi á Hörgárbraut milli Glerár og Undirhlíðar.

Skipulagsráð leggur til við bæjarstjórn að farið verði í framkvæmdir samkvæmt liðum 1 - 5, sem listaðar eru upp í meðfylgjandi minnisblaði, á árinu 2020 og að framkvæmd samkvæmt lið 6 verði unnin smám saman á næstu árum.

Skipulagsráð leggur enn fremur til að hafinn verði undirbúningur framkvæmda á liðum 8 - 10. Framkvæmdir samkvæmt liðum 7, 11 og 12 þurfa lengri undirbúning og verða skoðaðar síðar ef þörf er talin á að bæta umferðaröryggi enn frekar.

Varðandi framkvæmdir samkvæmt liðum 13 og 14 þá telur skipulagsráð að miðað við fyrirliggjandi gögn sé ekki raunhæft að gerð verði undirgöng eða byggð göngubrú á þessum stað.

Ingibjörg Ólöf Isaksen kynnti tillögur skipulagsráðs.

Í umræðum tóku til máls Sóley Björk Stefánsdóttir, Guðmundur Baldvin Guðmundsson og Gunnar Gíslason.

Sviðsstjóri skipulagssviðs gerði grein fyrir stöðu mála varðandi fyrirhugaðar framkvæmdir til að bæta umferðaröryggi á gangbraut við Hörgárbraut á móts við Stórholt.

Fram kom að áætlað er að framkvæmdir hefjist á næstu vikum.