Ásatún - erindi til skipulagsráðs vegna hraðaksturs

Lagt fram bréf húsfélags Ásatúns 12 dagsett 1. maí 2019 þar sem óskað er eftir að gripið verði til ráðstafana til að draga úr hraðakstri í götunni Ásatún.

Á fundi skipulagsráðs 15. maí sl. var erindi húsfélags Ásatúns 12 varðandi hraðakstur í Ásatúni vísað til umsagnar skipulagssviðs og umhverfis- og mannvirkjasviðs. Í kjölfarið var hraði mældur í götunni og gáfu niðurstöður mælingar til kynna að gera þurfi ráðstafanir til að lækka hraða.

Á samráðsfundi skipulagssviðs og umhverfis- og mannvirkjasviðs var samþykkt að vinna tillögur að hraðalækkandi aðgerðum á tveimur stöðum við götuna.

Lögð fram tillaga umhverfis- og mannvirkjasviðs að uppsetningu tveggja þrenginga í Ásatúni til bráðabirgða. Lengi hefur verið kvartað yfir hraðakstri í götunni og er markmið þrenginga að reyna að lækka umferðarhraða.