Lausaganga katta og óþrifnaður eftir hunda

Bæjarbúi mætti í viðtalstíma bæjarfulltrúa þann 28. mars 2019 og óskaði eftir að reglur um lausagöngu katta í bænum yrðu hertar. Vakti hann athygli á sóðaskap frá köttunum sem gera jafnvel þarfir sínar í matjurtagörðum íbúanna. Fuglalíf í innbænum er undir miklu álagi af völdum kattanna að hans sögn. Bæjarbúi kvartaði líka undan hundaeigendum sem eru ekki nógu duglegir að hirða upp eftir hunda sína á göngu við tjörnina í innbænum.

Jón Birgir Gunnlaugsson verkefnastjóri umhverfis- og sorpmála sat fundinn undir þessum lið.