Viðburðir í miðbæ - 2019

Málsnúmer 2019020165

Vakta málsnúmer

Skipulagsráð - 313. fundur - 10.04.2019

Erindi dagsett 3. apríl 2019 þar sem Hlynur Hallsson fyrir hönd Listasafnsins á Akureyri sækir um lokun Listagilsins í Kaupvangsstræti dagana: 13. apríl, 18. maí, 1. júní, 13. júlí, 14. september, 5. október, 23. nóvember og 7. desember 2019 frá kl. 14-17.
Meiri hluti skipulagsráðs heimilar lokun Listagilsins dagana 18. maí, 1. júní, 13. júlí og 14. september og bendir á verklagsreglur um lokun gatna þar sem aðeins er heimilt að gefa leyfi fyrir fjórum lokunum á tímabilinu maí til september vegna listviðburða í Listagilinu.

Í reglunum stendur:

Lokun vegna listviðburða í þeim hluta Kaupvangsstrætis sem kallast Listagil er heimiluð frá kl. 14 til 17 frá maí til september. Verður að hámarki gefið leyfi fyrir fjórum lokanir á þessu tímabili. Sækja skal um þær lokanir í apríl fyrir hvert ár. Lokunarskilti skulu vera við neðra horn Kaupvangsstrætis 19 og við efra horn Kaupvangsstrætis 23.

Arnfríður Kjartansdóttir V-lista óskar bókað að hún vilji samþykkja erindið.

Orri Kristjánsson S-lista sat hjá við afgreiðsluna.