Lagt fram minnisblað dagsett 16. október 2018 frá rekstaraðilum tjaldsvæðisins.
Umhverfis- og mannvirkjaráð leggur til að skipaður verði launaður vinnuhópur um framtíðarsýn tjaldsvæðanna og endurnýjun rekstrarsamninga við Skátafélagið Klakk. Ráðið óskar eftir tilnefningu fulltrúa í vinnuhópinn frá frístundarráði.
Umhverfis- og mannvirkjaráð óskar eftir tilnefningu frá frístundaráði í vinnuhóp um framtíðarsýn tjaldsvæðanna og endurnýjun rekstrarsamninga við Skátafélagið Klakk.
Frístundaráð samþykkir að tilnefna Sunnu Hlín Jóhannesdóttur í vinnuhópinn.
Lagt var til á síðasta fundi ráðsins að skipaður yrði vinnuhópur vegna framtíðarsýnar tjaldsvæðanna og endurnýjunar rekstrarsamnings við Skátafélagið Klakk. Skipa þarf fulltrúa ráðsins í vinnuhópinn.
Umhverfis- og mannvirkjaráð skipar Jóhann Jónsson S-lista sem fulltrúa ráðsins í vinnuhópinn.
Lagt fram minnisblað dagsett 14. janúar 2019 með minnispunktum frá starfshópi um framtíðarsýn tjaldsvæðanna og endurnýjun á rekstarsamningi.
Rut Jónsdóttir forstöðumaður umhverfis- og sorpmála, Jón Birgir Gunnlaugsson verkefnastjóri umhverfis- og sorpmála og Jónas Vigfússon forstöðumaður Umhverfismiðstöðvar sátu fundinn undir þessum lið.
Umhverfis- og mannvirkjaráð samþykkir fyrir sitt leyti að samið verði við skátana um áframhaldandi rekstur á Hömrum og að farið verði yfir eignarhald á fasteignum og búnaði á Hömrum. Einnig að tjaldsvæði við Þórunnarstræti verði lagt af eftir 2020 þegar stækkun á svæðinu á Hömrum getur tekið við viðskiptavinunum þaðan.