Torfunef 7 og 9 - umsókn um framkvæmdaleyfi

Málsnúmer 2016030161

Vakta málsnúmer

Skipulagsnefnd - 227. fundur - 13.04.2016

Erindi dagsett 18. mars 2016 þar sem Stefán H. Steindórsson f.h. Norðurorku hf., kt. 550978-0169, sækir um framkvæmdaleyfi fyrir lagningu heimæða Norðurorku að nýjum lóðum við Torfunef. Meðfylgjandi er mynd.
Skipulagsnefnd hefur yfirfarið meðfylgjandi hönnunargögn vegna umbeðinnar framkvæmdar, sem er í samræmi við samþykkt aðal- og deiliskipulag, og samþykkir útgáfu framkvæmdarleyfisins á grundvelli 4. gr.- g "Samþykktar um skipulagsnefnd".

Eftirfarandi skilyrði setur skipulagsnefnd fyrir veitingu framkvæmdarleyfisins:

Framkvæmdin skal vera í samræmi við 24. gr. Lögreglusamþykktar fyrir Akureyrarkaupstað en þar eru ákvæði um farmflutninga og hreinsun ökutækja áður en farið er inn á malbikaðar götur.