Þórsstúka - þak yfir stúku

Málsnúmer 2013040257

Vakta málsnúmer

Stjórn Fasteigna Akureyrarbæjar - 227. fundur - 21.06.2013

Lögð fram samþykkt dags. 18. mars 2013 frá stjórn Knattspyrnusambands Íslands þess efnis að Þór yrði veitt leikheimild á Þórsvellinum í Pepsi-deild karla keppnistímabilið 2013 að gefnu því skilyrði að framkvæmdaáætlun um þak yfir stúku fyrir keppnistímabilið 2014 liggi fyrir eigi síðar en 1. júlí 2013.

Á undanförnum árum hefur Akureyrarbær byggt upp mjög góða aðstöðu til knattspyrnu-iðkunar. Má þar helst nefna Bogann, yfirbyggðan gervigrasvöll í fullri stærð, sem kostaði um 1,3 milljarða, nýr völlur og 1000 manna stúka á Þórsvelli, sem kostaði um 1,1 milljarða, 700 sæta stúka á Akureyrarvelli var endurbyggð og aðstaða löguð fyrir um 110 mkr.

Þann 19. júní sl. var svo vígður gervigrasvöllur í fullri stærð á KA-svæðinu fyrir um 260 mkr. allt á verðlagi júní 2013. Einnig hafa verið gerðir hefðbundnir gervigrasvellir við alla skóla bæjarins á árunum 2004-2009, nema í Hrísey og Grímsey, fyrir um 300 mkr á verðlagi júní 2013.
Það er því ljóst að byggt hefur verið upp fyrir knattspyrnuiðkun á undaförnum árum fyrir rúma 3 milljarða á verðlagi júní 2013. Áætla má að rekstur þessara mannvirkja kosti um 300 mkr. á ári.

Í gildandi framkvæmdaáætlun bæjarins fyrir árin 2013-2016 er gert ráð fyrir að verja um 750 mkr. til uppbyggingar æskulýðs- og íþróttamála. Í þeirri áætlun er ekki gert ráð fyrir þaki á Þórsstúkuna.

Stjórn Fasteigna Akureyrarbæjar - 236. fundur - 17.01.2014

Lagt fram bréf dags. 8. janúar 2014 frá Knattspyrnusambandi Íslands þar sem óskað er eftir framkvæmdaáætlun við gerð þaks á stúkuna.

Á undanförnum árum hefur Akureyrarbær byggt upp mjög góða aðstöðu til knattspyrnuiðkunar. Má þar helst nefna Bogann, yfirbyggðan gervigrasvöll í fullri stærð, sem kostaði um 1,3 milljarða, nýr völlur og 1000 manna stúka á Þórsvelli, sem kostaði um 1,1 milljarð, 700 sæta stúka á Akureyrarvelli var endurbyggð og aðstaða löguð fyrir um 110 mkr. Þann 19. júní sl. var svo vígður gervigrasvöllur í fullri stærð á KA-svæðinu fyrir um 260 mkr. allt á verðlagi júní 2013. Einnig hafa verið gerðir hefðbundnir gervigrasvellir við alla skóla bæjarins á árunum 2004-2009, nema í Hrísey og Grímsey, fyrir um 300 mkr. á verðlagi júní 2013. Það er því ljóst að byggt hefur verið upp fyrir knattspyrnuiðkun á undaförnum árum fyrir rúma 3 milljarða á verðlagi júní 2013. Áætla má að rekstur þessara mannvirkja kosti um 300 mkr. á ári. Í gildandi framkvæmdaáætlun bæjarins fyrir árin 2014-2017 er gert ráð fyrir að verja um 355 mkr. til uppbyggingar æskulýðs- og íþróttamála. Í þeirri áætlun er ekki gert ráð fyrir þaki á Þórsstúkuna. Jafnframt má benda á 7. grein Rekstrar- og samstarfssamning Akureyrarbæjar og Íþróttafélagsins Þórs, dags. 6. maí 2013 en þar segir: Samningur þessi fellir úr gildi alla fyrri rekstrar- og framkvæmdasamninga milli samningsaðila og teljast þeir uppgerðir að öllu leyti. Varðandi fyrri samninga um þak yfir stúkuna þá er það sérstakt mál sem aðilar semja um síðar. Samningsaðilar skulu koma saman í upphafi síðasta samningsárs til að ræða mögulega endurnýjun samnings.