Undirhlíð - Miðholt, breyting á deiliskipulagi vegna spennistöðvar

Málsnúmer 2012100025

Vakta málsnúmer

Skipulagsnefnd - 145. fundur - 10.10.2012

Erindi sent í tölvupósti 2. október 2012 þar sem Tryggvi Tryggvason f.h. Norðurorku hf., kt. 550978-0169, óskar eftir stækkun á lóð og byggingarreit fyrir spennistöð við Langholt þar sem fyrirhugað er að setja gróður á lóðina við spennistöðina.

Skipulagsnefnd felur skipulagsstjóra að vinna breytingu á deiliskipulagi svæðisins.

Edward Hákon Huijbens V-lista vék af fundi við afgreiðslu málsins.

Skipulagsnefnd - 146. fundur - 31.10.2012

Skipulagsstjóri lagði fram tillögu að breytingu á deiliskipulagi Undirhlíðar - Miðholts, dagsetta 25. október 2012 og unna af Loga Má Einarssyni frá Kollgátu ehf.

Einungis er um að ræða minniháttar stækkun á lóð fyrir spennistöð Norðurorku hf. og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.

Edvard H. Huijbens V-lista lýsti yfir mögulegu vanhæfi sínu við afgreiðslu málsins en nefndin hafnaði vanhæfi.

Bæjarstjórn - 3329. fundur - 06.11.2012

5. liður í fundargerð skipulagsnefndar dags. 31. október 2012:
Skipulagsstjóri lagði fram tillögu að breytingu á deiliskipulagi Undirhlíðar - Miðholts, dags. 25. október 2012 og unna af Loga Má Einarssyni frá Kollgátu ehf.
Einungis er um að ræða minniháttar stækkun á lóð fyrir spennistöð Norðurorku hf. og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.
Edward H. Huijbens V-lista lýsti yfir mögulegu vanhæfi sínu við afgreiðslu málsins en nefndin hafnaði vanhæfi.

Bæjarstjórn samþykkir tillögu skipulagsnefndar með 10 samhljóða atkvæðum.

Í upphafi þessa dagskrárliðs vakti Logi Einarsson S-lista á því athygli að hann teldi sig vanhæfan að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarstjórn og var það samþykkt með 11 samhljóða atkvæðum.

Logi Már Einarsson S-lista vék af fundi við umræðu og afgreiðslu málsins.