Aðalnámskrá grunnskóla - innleiðing

Fyrir fundinn var lögð til kynningar áætlun um innleiðingu aðlanámskrár grunnskóla, en skóladeild ásamt grunnskólunum hafa fengið styrk úr Sprotasjóði til verkefnisins að upphæð kr. 3.000.000.

Lögð var fram til kynningar könnun sem lögð er fyrir í öllum leik- og grunnskólum landsins um stöðu innleiðingar aðalnámskrár. Tilgangur hennar er að athuga hvar leik- og grunnskólar eru staddir í innleiðingarferlinu þannig að auðveldara sé að bjóða skólum fræðslu og leiðsögn sem þess óska. Skólaárið 2014-2015 er gert ráð fyrir að allir leik- og grunnskólar hafi lagað starf sitt að nýrri menntastefnu. Könnunin er unnin sameiginlega af fulltrúum mennta- og menningarmálaráðuneytisins, Sambands íslenskra sveitarfélaga, Skólastjórafélags Íslands og Félags stjórnenda í leikskólum.