Umgengni og umhirða í Akureyrarkaupstað

Sigurður Guðmundsson A-lista lagði fram tillögu að bókun svohljóðandi:

Bæjarstjórn samþykkir að fela framkvæmdaráði að vinna áfram að hugmyndum um átak í bættri umgengni og umhirðu í sveitarfélaginu.

Leita skal samráðs við skipulagsdeild, hverfisnefndir auk samtaka atvinnurekenda á Akureyri, í þeirri viðleitni að virkja samfélagið í heild sinni til betri vitundar um umgengni og umhirðu.

Bæjarstjórn samþykkir framlagða bókun með 11 samhljóða atkvæðum.

Framkvæmdaráð felur Helga Má Pálssyni bæjartæknifræðingi og formanni framkvæmdaráðs að vinna að málinu í samræmi við umræður á fundinum.