ja.is - uppsagnir á Akureyri

Málsnúmer 2011050140

Vakta málsnúmer

Stjórn Akureyrarstofu - 99. fundur - 25.05.2011

Rætt um lokun Já Upplýsingaveitna hf á þjónustuveri fyrirtækisins á Akureyri.
Hannes Karlsson frá B-lista og Matthías Rögnvaldsson frá A-lista sátu fundinn sem gestir undir þessum lið.

Stjórn Akureyrarstofu harmar þá ákvörðun Já Upplýsingaveitna hf að loka starfsstöð sinni á Akureyri. Fyrirtækið hefur um áraraðir bæði fyrir og eftir einkavæðingu notið þjónustu góðs og trausts starfsfólks sem verður nú fyrir barðinu á meintum hagræðingaraðgerðum fyrirtækisins sem felast að stærstum hluta í flutningi starfa en ekki fækkun þeirra.

Bæjarráð - 3274. fundur - 26.05.2011

Rætt um uppsagnir hjá starfsstöð ja.is á Akureyri.

Bæjarráð Akureyrar lýsir yfir megnri óánægju með ákvörðun Já Upplýsingaveitna hf. að loka starfsstöð ja.is á Akureyri. Fyrirtækið hefur um áraraðir, bæði fyrir og eftir einkavæðingu, notið þjónustu góðs og trausts starfsfólks sem verður nú fyrir barðinu á þeirri ákvörðun fyrirtækisins að flytja störf á suðvesturhorn landsins.
Bæjarráði þykir miður að fyrirtækið skuli ekki hafa samband við bæjaryfirvöld, áður en ákvörðunin var tekin. Bæjarstjóri hefur óskað eftir því við stjórnarformann og forstjóra fyrirtækisins að þær komi á fund bæjarráðs vegna þessarrar lokunar, en þær hafa ekki séð sér fært að verða við þeirri ósk til þessa.