Áfengis- og vímuvarnir

Málsnúmer 2011040090

Vakta málsnúmer

Bæjarráð - 3271. fundur - 28.04.2011

Sigríður Huld Jónsdóttir aðstoðarskólameistari Verkmenntaskólans á Akureyri, Sigurlaug Anna Gunnarsdóttir aðstoðarskólameistari Menntaskólans á Akureyri, Sigmundur Magnússon húsbóndi heimavistar VMA og MA, Valgerður Jónsdóttir forvarnafulltrúi Verkmenntaskólans á Akureyri og Hólmfríður Jóhannsdóttir forvarnafulltrúi Menntaskólans á Akureyir mættu á fund bæjarráðs til að ræða um aukna neyslu ungmenna á Akureyri á kannabisefnum.
Hlín Bolladóttir formaður samfélags- og mannréttindaráðs sat fundinn undir þessum lið.

Bæjarráð þakkar þeim Sigríði Huld, Sigurlaugu Önnu, Sigmundi, Valgerði og Hólmfríði fyrir komuna á fundinn og vísar málinu til samfélags- og mannréttindaráðs.

Samfélags- og mannréttindaráð - 86. fundur - 06.05.2011

1. liður í fundargerð bæjarráðs dags. 28. apríl 2011:
Sigríður Huld Jónsdóttir aðstoðarskólameistari Verkmenntaskólans á Akureyri, Sigurlaug Anna Gunnarsdóttir aðstoðarskólameistari Menntaskólans á Akureyri, Sigmundur Magnússon húsbóndi heimavistar VMA og MA, Valgerður Jónsdóttir forvarnafulltrúi Verkmenntaskólans á Akureyri og Hólmfríður Jóhannsdóttir forvarnafulltrúi Menntaskólans á Akureyri mættu á fund bæjarráðs til að ræða um aukna neyslu ungmenna á Akureyri á kannabisefnum.
Hlín Bolladóttir formaður samfélags- og mannréttindaráðs sat fundinn undir þessum lið.
Bæjarráð þakkar þeim Sigríði Huld, Sigurlaugu Önnu, Sigmundi, Valgerði og Hólmfríði fyrir komuna á fundinn og vísar málinu til samfélags- og mannréttindaráðs.
Gréta Kristjánsdóttir forvarnafulltrúi sat fundinn undir þessum lið.

Samfélags- og mannréttindaráð lýsir yfir áhyggjum af ástandinu og mun vinna áfram að málinu. Ráðið mun taka þátt í málþinginu Bara gras? sem haldið verður á Akureyri lok maí og er samstarfsverkefni um 20 hreyfinga og samtaka. Málþingið er ætlað foreldrum og markmiðið er að fræða foreldra um skaðsemi kannabis og hjálpa þeim að leita sér upplýsinga.

Samfélags- og mannréttindaráð - 91. fundur - 07.09.2011

Í maí sl. kom samfélags- og mannréttindaráð að máþingingu Bara gras? þar sem fjallað var um skaðsemi kannabisneyslu. Ræddar voru hugmyndir að eftirfylgni.

Samfélags- og mannréttindaráð - 92. fundur - 21.09.2011

Lögð fram til kynningar dagskrá að málþingi um forvarnamál sem haldið verður í Hofi fimmtudaginn 29. september nk. í samvinnu samfélags- og mannréttindadeildar og meðferðarheimilisins Laugalandi. Málþingið verður haldið í tengslum við tónleikana Í minningu Sissu.

Samfélags- og mannréttindaráð þakkar forvarnafulltrúa og forsvarsmönnum Laugalands fyrir góða vinnu við skipulagningu málþingsins.

Samfélags- og mannréttindaráð - 93. fundur - 05.10.2011

Tekið fyrir erindi dags. 28. september 2011 frá Andreu Sigrúnu Hjálmsdóttur bæjarfulltrúa Vinstri hreyfingarinnar græns framboðs þar sem gerðar eru athugasemdir við kynjahlutfall frummælenda á málþinginu Þú skilur mig ekki sem haldið var 29. september sl.
Andrea óskar eftir að eftirfarandi athugasemd hennar verði færð til bókar:
"Um leið og ég vil fagna þeirri áherlsu sem samfélags- og mannréttindaráð hefur lagt á góð og heilbrigð samskipti foreldra og barna hér á Akureyri vil ég lýsa yfir miklum vonbrigðum yfir því að jafnréttisnefnd Akureyrar, sem ráðið óneitanlega er, komi að skipulagningu og stuðningi við málþing (29. september 2011) um samskipti fjölskyldunnar þar sem allir frummælendurnir, sem ræða um uppeldi barna og unglinga á faglegum forsendum, eru karlar. Mér finnst skjóta skökku við að í samfélagi þar sem allar rannsóknir sýna að ábyrgð á barnauppeldi er fremur á höndum kvenna en karla að bæjarfélagið, sem státar af góðri stöðu jafnréttismála, sendi þau skilaboð til mæðra, feðra og unglinga í bænum að einungis karlar séu sérfræðingar í samskiptum innan fjölskyldna. Varaformaður ráðsins lagði á það áherslu á bæjarstjórnarfundi þann 20. september sl. að bæjarfulltrúar ættu ávallt að vera til fyrirmyndar þegar kemur að jafnréttismálum, við hljótum þá jafnframt að geta gert þá kröfu að jafnréttisnefnd bæjarins sé ávallt í fararbroddi hvað jafnréttismál varðar og sendi ekki þau skilaboð til íbúa bæjarins að karlar séu einu sérfræðingarnir í bæjarfélaginu um samskipti fjölskyldna og uppeldi barna og unglinga. Eins og óneitanlega er verið að gera þarna."

Samfélags- og mannréttindaráð þakkar Andreu Sigrúnu Hjálmsdóttur fyrir ábendinguna og telur mikilvægt að nefndir og ráð bæjarfélagsins séu til fyrirmyndar í jafnréttismálum. Aðstandendur málþingsins Þú skilur mig ekki voru Meðferðarheimilið Laugalandi og samfélags- og mannréttindaráð. Lagt var upp með að þeir sérfræðingar sem hefðu framsögu tengdust Laugalandi. Þannig háttar til að meirihluti þeirra sérfræðinga sem þar starfa eru karlar. Þannig háttar einnig til að í fíkniefnadeild lögreglunnar á Akureyri starfa karlar og þótti brýnt að taka stöðuna á Akureyri vegna eftirfylgni við málþingið Bara gras? sem haldið var í vor. Í heildina komu 5 karlar og 3 konur fram á málþinginu, tvær þeirra stýrðu því. Á þennan hátt tengdist málþingið tónleikunum Í minningu Sissu sem skipulagt var af þeim stúlkum sem eru í meðferð á Laugalandi og haldnir voru daginn eftir en samfélags- og mannréttindaráð var ekki skipulagsaðili tónleikanna heldur veitti ráðið málefninu stuðning.

Samfélags- og mannréttindaráð - 93. fundur - 05.10.2011

Rætt um þátttöku samfélags- og mannréttindaráðs í minningartónleikum sem haldnir voru 30. september sl.

Að gefnu tilefni vill samfélags- og mannréttindaráð taka fram að keyptir voru miðar fyrir ráðið á minningartónleikana Í minningu Sissu. Þegar sú ákvörðun var tekin hafði miðasala verið dræm og því ákvað ráðið að kaupa miða fyrir forvarnafulltrúa og aðal- og varamenn í ráðinu. Miðakaupin voru til viðbótar styrk sem ráðið hyggst veita vegna tónleikanna. Í fjölmiðlum mun koma fram að það sé vond stjórnsýsla og vill formaður samfélags- og mannréttindaráðs taka fram að hún beri fulla ábyrgð á því.