Tjarnartún - umferðarmál og sorphirða

Samkvæmt deiliskipulagi Naustahverfis er gert ráð fyrir tveimur innkeyrslum í þennan hluta hverfisins frá Naustagötu þ.e. um Tjarnartún og Vallartún auk innkeyrslu frá Kjarnagötu. Samkvæmt því ætti umferð að dreifast jafnt um hverfið sem ætla má að sé fyrst og fremst vegna umferðar íbúa í grennd við umræddar götur.

Skipulagsnefnd óskar eftir við framkvæmdaráð að gengið verði frá 30 km hliði við Naustagötu og óskar jafnframt eftir áætlun um uppsetningu hliða og annarra aðgerða vegna 30 km hverfa í bænum.

Framkvæmdaráð hefur gengið frá framkvæmdaáætlun ársins í ár og er 30 km hlið við Tjarnartún ekki inni í þeirri áætlun. Framkvæmdadeild er búin að óska eftir því við skipulagsdeild að fá samþykkta áætlun um uppsetningu hliða og aðrar aðgerðir vegna 30 km hverfa í bænum enda fer sú deild með umferðarmálin en ekki framkvæmdadeildin.

Skipulagsnefnd óskar eftir að tillaga að áætlun um aðgerðir í 30km hverfum sem unnin var 2007 af Mannviti verði lögð fyrir nefndina til skoðunar.

Samkvæmt deiliskipulagi Naustahverfis er gert ráð fyrir tveimur innkeyrslum í þennan hluta hverfisins frá Naustagötu þ.e. um Tjarnartún og Vallartún auk innkeyrslu frá Kjarnagötu. Samkvæmt því ætti umferð að dreifast jafnt um hverfið sem ætla má að sé fyrst og fremst vegna umferðar íbúa í grennd við umræddar götur. Uppbygging þessa hluta Naustahverfis er að mestu lokið og er gatnakerfi í samræmi við samþykkt deiliskipulag. Tjarnartún er skilgreind sem 30 km íbúðagata og eru hljóðvarnir í samræmi við niðurstöður hljóðskýrslu sem unnin var við gerð deiliskipulags svæðisins. Allar götur í hverfinu eru hannaðar miðað við gildandi hönnunarstaðla og eiga því öryggisökutæki s.s. sjúkra- og slökkviliðsbílar að eiga greiðan aðgang um hverfið án vandræða.Innkeyrsla í gegnum Geislatún var hugsuð sem tímabundin innkeyrsla í hverfið eða þar til ráðist var í gerð Kjarnagötu og gerð hringtorgs við Miðhúsabraut.Samkvæmt upplýsingum frá framkvæmdadeild er salt ekki notað í íbúðagötum og ætti því ekki að vera ástæða þess að gróður blómstrar ekki. Óskað hefur verið eftir við framkvæmdadeild að hún láti mæla umferðarhraða og fjölda bíla í Tjarnartúni við fyrsta tækifæri. Þegar þær mælingar liggja fyrir verður málið tekið fyrir á ný.

Hámarkshraði í Naustahverfi er 30 km nema á Naustabraut og Naustagötu. Umferðarskipulag Naustahverfis er hannað með það í huga að umferð um hverfið fari fyrst og fremst um safngötuna Kjarnagötu og Naustabraut/Naustagötu og dreifist síðan um íbúagötur sem liggja þvert á Kjarnagötu og Naustagötu. Með þessu er verið að hindra óþarfa umferð um íbúagötur og gera svæðin öruggari fyrir börn á leið í skóla sem er í næsta nágrenni. Ef opnað verður í hverfið frá Miðhúsabraut og inn á Ásatún mun umferð um íbúagöturnar Ásatún, Geislatún, Hólatún og Fossatún aukast til muna og til ama fyrir íbúa við þær götur. 

Samkvæmt nýlegum mælingum á umferðarhraða í Tjarnartúni (sjá meðfylgjandi skjal) sem framkvæmdar voru 20.1.-27.1. 2012 kemur fram að meðalhraði bifreiða er undir 30 km hraða og 85% af umferð er undir hraðanum 32-34 km. Einnig kemur fram að fjöldi bifreiða á sólarhring í báðar áttir er 740 farartæki. Umferðarmagn og hraði í götunni mun verða mældur aftur í sumar til samanburðar.

Ef Tjarnartúni verður breytt í einstefnugötu mun stór hluti umferðar sem þarf að komast að íbúagötum norðan við Tjarnartún þurfa að fara lengri leið en ella. Skipulagsnefnd telur því ekki hugmyndirnar um breytingar á gatnakerfinu til þess fallnar að umferð breytist til batnaðar. 

Uppbyggingu Naustahverfis er að mestu lokið og er gatnakerfi í samræmi við samþykkt deiliskipulag. Ekki eru fyrirhugaðar breytingar á gatnakerfinu. Austurhluti Ásatúns endar í innkeyrslu á lóð sem ekki hafa verið hafnar framkvæmdir á. 

Ekki er hægt að verða við beiðni um afnot af hluta gangstéttar vestan húss nr. 9 við Tjarnartún þar sem gangstéttar á þessu svæði eru einungis 2.25 m að breidd.

Bent er á að hverfisnefnd Naustahverfis heldur opna íbúafundi þar sem kjörnir fulltrúar og embættismenn sitja reglulega fyrir svörum um málefni hverfisins.

Samkvæmt mælingum á umferðarhraða í Tjarnartúni sem framkvæmdar voru 20.1.-27.1.2012 kemur fram að meðalhraði bifreiða er undir 30 km hraða og 85% af umferð er undir hraðanum 32-34 km/klst og því ekki talin þörf á að setja þrengingar í götuna. Að öðru leyti er vísað til svarbréfa dags. 25.1 og 17.2 2012 um málið.