Fjárhagsaðstoð 2011

Guðrún Sigurðardóttir framkvæmdastjóri fjölskyldudeildar og Ester Lára Magnúsdóttir félagsráðgjafi fjölskyldudeildar sátu fundinn undir þessum lið og lögðu fram yfirlit yfir veitta fjárhagsaðstoð eftir fyrstu tvo mánuði ársins. Útgjöldin voru kr. 16.938.646 sem er 29% hækkun miðað við á sama tíma árið 2010. Fram kom að undirkvarði hefur aukist hlutfallslega og eru ýmsar ástæður fyrir því að þeir sem þiggja fjárhagsaðstoð eiga erfiðara en áður með að láta enda ná saman, meðal annars vegna útgjalda fyrir heilbrigðisþjónustu, breytingar á niðurgreiðslum á lyfjum og tannlæknakostnaði barna. Einnig hefur orðið aukning á aðstoð til foreldra með börn á framfæri.

Guðrún Sigurðardóttir framkvæmdastjóri fjölskyldudeildar lagði fram yfirlit yfir veitta fjárhagsaðstoð eftir fyrstu sjö mánuði ársins. Útgjöldin voru kr. 63.407.983 sem er 31% hækkun miðað við á sama tíma árið 2010.

Ester Lára Magnúsdóttir félagsráðgjafi og Guðrún Sigurðardóttir framkvæmdastjóri á fjölskyldudeild lögðu fram yfirlit yfir veitta fjárhagsaðstoð fyrstu níu mánuði ársins 2011.

Guðrún Sigurðardóttir framkvæmdastjóri fjölskyldudeildar, Ester Lára Magnúsdóttir verkefnastjóri og Karólína Gunnarsdóttir þjónustustjóri lögðu fram yfirlit yfir veitta fjárhagsaðstoð á árinu 2011. Heildarútgjöld til fjárhagsaðstoðar voru á árinu 2011 kr. 112.020.348 og hækkun á milli ára var 31.6%.