Atvinnuátaksverkefni Akureyrarbæjar - verklagsreglur 2011

Farið yfir drög að endurskoðuðum reglum um átaksverkefni Akureyrarbæjar og Vinnumálastofnunnar.

Lagðar fram til samþykktar endurskoðaðar vinnureglur um atvinnuátaksverkefni. Helstu breytingar eru að stuðningur Akureyrarbæjar við hvert verkefni getur að hámarki orðið 100 þús. kr. á mánuði auk launatengdra gjalda. Í tilfelli félagasamtaka greiðir Akureyrarbær 80% af viðbótarfjárhæðinni en félagasamtökin greiða sjálf 20%. Því getur stuðningur Akureyrarbæjar í tilfelli félagasamtaka að hámarki verið kr. 80.000. Launakostnaður umfram það greiðist af viðkomandi stofnun eða félagasamtökum.

Lagt fram yfirlit um átaksverkefni vegna atvinnuleysis á árinu 2011 og farið yfir framkvæmd þeirra. Jafnframt kynntar nýjustu tölur um atvinnuleysi á Akureyri og Norðurlandi eystra. Fram kom að dregið hefur úr atvinnuleysi og var það 5,8% í apríl sem er um 1,8% minna en í sama mánuði í fyrra. Búist er við að atvinnuleysi dragist enn frekar saman í sumar en aukist á ný með haustinu.
Sævar Pétursson verkefnisstjóri atvinnumála sat fundinn undir þessum lið.

Lagt fram yfirlit um atvinnuátaksverkefni sem Akureyrarstofa hefur komið að á árinu 2011. Jafnframt rætt um áherslur í atvinnuátaksverkefnum á næsta ári. All fjölbreytt verkefni hafa verið í gangi á þessu ári en alls eru það 12 aðilar sem hafa staðið fyrir átaksverkefnum með stuðningi frá stjórn Akureyrarstofu.
Sævar Pétursson verkefnisstjóri atvinnumála á Akureyrarstofu kom á fundinn og gerði grein fyrir verkefnum og fjárhagsstöðu átaksverkefnanna.