Sigrún Hulda Steingrímsdóttir - umsókn í Námsstyrkjasjóð 2008

Málsnúmer 2008050070

Vakta málsnúmer

Fræðslunefnd - 2. fundur - 19.08.2011

Erindi dags. 21. júní 2011 frá Sigrúnu Huldu Steingrímsdóttur þar sem hún óskar eftir að fá að fresta töku síðustu þriggja mánaða námsleyfis til ársins 2012.

Samkvæmt 4. grein samþykktar um styrki til námsleyfa sérmenntaðra starfsmanna Akureyrarbæjar er heimilt að dreifa leyfi yfir lengri tíma eða allt að 3 árum, t.d. ef stundað er nám í törnum með vinnu á milli. Sigrún Hulda hefur nýtt sér að dreifa námsleyfi sínu yfir 3 ár. Reglurnar gera ekki ráð fyrir undantekningu að námsleyfi sé dreift yfir fleiri ár. Fræðslunefnd ákveður að fresta afgreiðslu og óskar eftir rökstuðningi frá Sigrúnu Huldu fyrir því að óskað er eftir frestun töku síðustu þriggja mánaða námsleyfis til ársins 2012.

Sigrúnu Huldu er veittur frestur til miðvikudagsins 24. ágúst 2011.

Fræðslunefnd - 3. fundur - 25.08.2011

Á fundi fræðslunefndar 19. ágúst 2011 óskaði nefndin eftir frekari rökstuðningi fyrir beiðni Sigrúnar Huldu Steingrímsdóttur um að fresta því að taka síðustu 3 mánuði af 9 mánaða námsleyfi til ársins 2012. Í bréfi dags. 23. ágúst 2011 svarar Sigrún Hulda beiðni fræðslunefndar.

Fræðslunefnd samþykkir að veita Sigrúnu Huldu Steingrímsdóttur undanþágu frá 4. grein Samþykktar um styrki til námsleyfa sérmenntaðra starfsmanna Akureyrarbæjar og flytja þá þrjá mánuði sem eftir eru af námsleyfi yfir á árið 2012. Vegna fyrirhugaðra flutninga atvinnumála fatlaðra með stuðningi til ríkisins er Sigrúnu Huldu bent á að ef starf hennar flyst yfir til ríkisins og hún með fellur réttur hennar til námsleyfis hjá Akureyrarbæ niður þar sem hún verður þá ekki lengur starfsmaður Akureyrarbæjar.