Melateigur - umferðarmál

Framkvæmdaráð hefur á fundi þann 30. apríl 2010 vísað til skipulagsnefndar b) lið úr 3. lið fundargerðar bæjarráðs frá 21. apríl 2010 þar sem íbúi mætti í viðtalstíma bæjarfulltrúa og vildi benda á mikinn umferðarþunga á Kjarnagötu við Naustaskóla, sem skapar hættu fyrir skólabörn sem þurfa þar yfir. Kjarnagata er hönnuð sem 30 km gata í deiliskipulagi Naustahverfis. Samkvæmt deiliskipulaginu er gert ráð fyrir hraðatakmarkandi aðgerðum á aðkomuleiðum fyrir börn á leið í Naustaskóla m.a. með sérmerktum gangbrautarsvæðum og upphækkunum. Skipulagsnefnd vísaði erindinu á fundi sínum þann 9. júní 2010 til framkvæmdadeildar og leggur til að framkvæmdum við lokafrágang götunnar við Naustaskóla verði hraðað.