Fundur með hverfisnefndum

Til fundar með stjórnsýslunefnd voru boðaðir fulltrúar hverfisnefnda til að ræða um stöðu nefndanna. Á fundinn komu 7 fulltrúar úr hverfisnefndum Holta- og Hlíðahverfis, Oddeyrarhverfis, Lunda- og Gerðahverfis og hverfisnefnd Brekku og Innbæjar og ræddu málefni hverfisnefnda.

Til fundar með stjórnsýslunefnd voru boðaðir fulltrúar hverfisnefnda til að ræða málefni þeirra. Á fundinn komu Hrafnhildur E. Karlsdóttir og Bjarni Sigurðsson úr Naustahverfi, Brynja Sigurðardóttir og Berglind Rafnsdóttir úr Holta- og Hlíðahverfi og Guðjón Ingvi Guðmundsson, Elvar Smári Sævarsson, Þorberg Þ. Þorbergsson og Svala Ýrr Björnsdóttir úr Lunda- og Gerðahverfi.
Í upphafi fundar kynnti Sigríður Stefánsdóttir framkvæmdastjóri afmælisárs áform um hátíðarhöld á 150 ára afmæli Akureyrar 2012 og óskaði eftir samstarfi við hverfisnefndir um þau.
Rætt var um samskipti og samskiptaleiðir milli hverfisnefnda og bæjarins. Af hálfu hverfisnefnda var sérstaklega látin í ljós óánægja með svör framkvæmdadeildar við erindum en að sama skapi þóttu samskipti við skipulagsdeild til fyrirmyndar.