Jafnréttisnefnd

4515. fundur 09. desember 2003
Jafnréttis- og fjölskyldunefnd - Fundargerð
20. fundur
09.12.2003 kl. 08:15 - 09:00
Fundarsalur á 4. hæð í Ráðhúsi



Nefndarmenn: Starfsmenn:
Gerður Jónsdóttir, formaður
Alfreð Almarsson
Elín M. Hallgrímsdóttir
Þorlákur Axel Jónsson
Tryggvi Þór Gunnarsson
Katrín Björg Ríkarðsdóttir ritaði fundargerð



1 Jafnréttisstefna Akureyrarbæjar
2002110017
Jafnréttisstefna til ársins 2007 lögð fram til samþykktar.
Jafnréttis- og fjölskyldunefnd samþykkir stefnuna fyrir sitt leyti og vísar henni til bæjarstjórnar.


2 Átaksverkefni gegn offitu barna á Akureyri
2003110094
Erindi dags. 21. nóvember 2003 frá Ásu Elísu Einarsdóttur barnalækni á FSA þar sem hún greinir frá átaksverkefni gegn offitu barna á Akureyri og óskar eftir stuðningi frá Akureyrarbæ í formi greiðslu launa fyrir íþróttafræðing og/eða fríðindum svo sem frítt í sund og í Hlíðarfjall. Óskað hefur verið eftir umsögn jafnréttis- og fjölskyldunefndar.
Jafnréttis- og fjölskyldunefnd lýsir yfir ánægju með framtak FSA, Heilsugæslu Akureyrar og Eflingar um að standa fyrir átaksverkefni gegn offitu barna á Akureyri og telur að þar sé um þarft heilbrigðismál að ræða. Nefndin telur hins vegar að það sé hlutverk ríkisins fremur en sveitarfélags að styrkja verkefni á þessu sviði.


3 Kvenréttindafélag Íslands - styrkbeiðni
2003110080
Styrkbeiðni frá KRFÍ og öðrum aðstandendum sýningar og ráðstefnu um athafnakonur, sem haldnar voru á Akureyri 21. og 22. nóvember 2003.
Nefndin samþykkir að veita 20.000 kr. styrk.


4 Fæðingarorlofssjóður - fyrirspurn
2003110066
Á síðasta fundi nefndarinnar var jafnréttisráðgjafa falið að kanna möguleika á að afla upplýsinga um greiðslur fæðingarorlofssjóðs til kvenna og karla á Akureyri.
Skv. svörum frá Tryggingastofnun ríkisins er ekki hægt að kalla fram umbeðnar upplýsingar.


5 Önnur mál
Þorlákur Axel Jónsson bar fram tillögu um að jafnréttisráðgjafa verði falið að hafa samband við samtök launþega og atvinnurekenda um það hvaða þættir í kröfugerð þeirra og tilboðum eigi að draga úr launamun kynja í næstu kjarasamningum.
Tillögunni var vísað frá með 3 atkvæðum, 1 var á móti frávísun og 1 sat hjá.

Fundi slitið.