Framkvæmdaráð

233. fundur 20. maí 2011 kl. 08:15 - 10:38 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Helgi Snæbjarnarson
  • Sigríður María Hammer
  • Njáll Trausti Friðbertsson
  • Sigfús Arnar Karlsson
Starfsmenn
  • Helgi Már Pálsson bæjartæknifræðingur
  • Jón Birgir Gunnlaugsson forstöðumaður umhverfismála
  • Tómas Björn Hauksson forstöðumaður gatna- fráveitu og hreinlætismála
  • Bergur Þorri Benjamínsson fundarritari
Dagskrá

1.Lystigarður - frímerkjasafn

Málsnúmer 2007090011Vakta málsnúmer

Erindi dags. 27. apríl 2011 frá Karli Guðmundssyni verkefnisstjóra varðandi ráðstöfun á söluandvirði frímerkjasafns sem Axel Schiöth gaf Akureyrarbæ, en andvirði þess á að renna til Lystigarðsins vegna 100 ára afmælis garðsins 2012.

Framkvæmdaráð samþykkir að fela starfsmönnum framkvæmdadeildar að koma með tillögu að framkvæmdum í Lystigarðinum fyrir kr. 1.500.000.

2.Kjarnaskógur og Hamrar - undirbúningur vegna malbikunar

Málsnúmer 2011050104Vakta málsnúmer

Mánudaginn 16. maí 2011 voru opnaðar verðfyrirspurnir vegna verksins Kjarnaskógur og Hamrar - undirbúningur vegna malbikunar.
Eftirfarandi tilboð bárust og hafa verið yfirfarin:
G. Hjálmarsson hf - kr. 5.920.000 - 61,70%
Skútaberg ehf - kr. 6.165.000 - 64,25%
Finnur ehf - kr. 7.486.000 - 78,05%
G.V. Gröfur ehf - kr. 5.339.000 - 55,64%
Malbikun KM ehf - kr. 12.983.400 - 135,31%
Kostnaðaráætlun hönnuða var kr. 9.595.000.

Framkvæmdadeild hefur samið við lægstbjóðanda G.V. Gröfur ehf.

Framkvæmdaráð gerir ekki athugasemdir.

3.Steinefni fyrir malbik

Málsnúmer 2007020129Vakta málsnúmer

Kynnt var framlenging á steinefnasamningi fyrir malbikunarstöð Akureyrar.

Framkvæmdaráð samþykkir að framlengja steinefnasamning um eitt ár.

4.Umferð hesta á göngustígum við Kjarnaskóg

Málsnúmer 2011050059Vakta málsnúmer

Erindi dags. 12. maí 2011 frá Kristni Eyjólfssyni þar sem hann óskar eftir að gönguleiðum frá Naustaborgum og inn í Kjarnaskóg verði lokað kyrfilega fyrir umferð hestamanna enda hafa þeir aðra leið austan við Kjarnaskóg sem þeir geta farið.

Framkvæmdaráð hefur þegar brugðist við erindinu.

5.Starfsáætlun framkvæmdaráðs - 2011

Málsnúmer 2011050083Vakta málsnúmer

Bæjartæknifræðingur kynnti starfsáætlun fyrir yfirstandandi ár.

6.Vinnuskóli - vinnufyrirkomulag

Málsnúmer 2011050135Vakta málsnúmer

Lagðar voru fram til kynningar eftirfarandi upplýsingar:
Skilyrði fyrir að fá vinnu í Vinnuskóla Akureyrar eru lögheimili á Akureyri, undanþágur eru einungis veittar ef annað foreldri er búsett á Akureyri og unglingur hafi aðsetur hér og foreldrar hafi sameiginlegt forræði yfir viðkomandi.

7.Önnur mál í framkvæmdaráði

Málsnúmer 2011020089Vakta málsnúmer

Njáll Trausti Friðbertsson D-lista lagði fram eftirfandi fyrirspurn:
Í framhaldi af þeirri ákvörðun L-listans að fara svokallaða B-leið í sorpmálum Akureyringa síðastliðið sumar þar sem notast yrði við svokallaða grenndarvelli/gámavelli í stað sérstakra flokkunartunna við hvert heimili eins og A-leið gerði ráð fyrir.
Þegar kostnaðarmat fór fram á þessum tveimur möguleikum kom fram í máli fulltrúa L-listans að ekki væri gert ráð fyrir neinum girðingum eða frekari framkvæmdum við að fegra umhverfið í kringum gámana þegar eftir því var spurt. Þeir ættu bara að standa einir og sér.
Í framhaldi af því að mönnum hefur snúist hugur og nú er hafinn vinna við þessar girðingar spyr fulltrúi D-listans: Hver er kostnaðurinn af þessum framkvæmdum?

8.Strætisvagnar Akureyrar - leiðavísir

Málsnúmer 2011030112Vakta málsnúmer

Stefán Baldursson forstöðumaður SVA mætti á fundinn undir þessum lið og gerði grein fyrir kostnaði vegna breytinga á núverandi skiltum leiðakerfis til samræmis við nýjar og áður kynntar hugmyndir.

Framkvæmdaráð samþykkir uppsetningu á nýjum skiltum fyrir leiðakerfi. Kostnaðarauka að upphæð rúmlega kr. 1.700.000 vísað til bæjarráðs.

Sigfús Arnar Karlsson B-lista óskaði bókað að hann samþykki tillöguna, en hann sé ekki hrifinn að sífelldum breytingum á fjárhagsáætlun.

9.Akureyrarflugvöllur - strætisvagnaferðir

Málsnúmer 2011050073Vakta málsnúmer

Erindi dags. 12. maí 2011 frá Angie Kreutz, Fanneyju Lind Pétursdóttur, Idu Irene Oddsdóttur og Katrínu Björgu Gunnarsdóttur nemendum í Íslandsáfanga við Menntaskólann á Akureyri er varðar strætisvagnasamgöngur til og frá Akureyrarflugvelli um helgar eða frá fimmtudegi til sunnudags.

Framkvæmdaráð getur ekki orðið við erindinu og felur Helga Má Pálssyni bæjartæknifræðingi að svara bréfriturum.

10.Isavia ohf - uppsögn þjónustusamnings um viðbúnaðarþjónustu á flugvellinum á Akureyri

Málsnúmer 2010110004Vakta málsnúmer

Þorbjörn Haraldsson slökkviliðsstjóri og Eiríkur Björn Björgvinsson bæjarstjóri mættu á fundinn og gerðu grein fyrir viðræðum vegna þjónustusamnings við Isavia ohf.
Njáll Trausti Friðbertsson D-lista vék af fundi við umræðu og afgreiðslu þessa liðar.

Ljóst er að Isavia ohf stendur við uppsögn sína og tekur þann 1. desember nk. við þeim hluta í starfsemi flugvallarins sem nú er sinnt að Slökkviliði Akureyrar.

11.Tjaldsvæði við Þórunnarstræti - kalskemmdir

Málsnúmer 2011050077Vakta málsnúmer

Erindi dags. 10 maí 2011 frá stjórn Hamra um sameiginlegar lausnir vegna kalskemmda á tjaldsvæðum.

Framkvæmdaráð samþykkir að fara í lágmarksaðgerðir þannig að hægt verði að nota hluta tjaldsvæðisins við Þórunnarstræti í sumar.

Fundi slitið - kl. 10:38.