Framkvæmdaráð

2476. fundur 15. janúar 2001

Framkvæmdaráð - Fundargerð
14. fundur
15.01.2001 kl. 09:00 - 11:30
Fundarsalur á 1. hæð í Ráðhúsi/Akureyri


Nefndarmenn : Starfsmenn :
Ásgeir Magnússon formaður
Sigurður J. Sigurðsson
Vilborg Gunnarsdóttir
Jakob Björnsson
Oddur Helgi Halldórsson
Ármann Jóhannesson
Guðmundur Guðlaugsson


1 Fjölskyldustefna Akureyrarbæjar
2000080041
Tillaga að fjölskyldustefnu í málaflokkum sem heyra undir framkvæmdaráð.
Framkvæmdaráð samþykkir að fela sviðsstjóra að koma tillögunum á framfæri við starfshóp félagsmálaráðs


2 Geislagata 9 - kostnaðaráætlanir vegna breytinga á 3. hæð
Ármann Jóhannesson sviðsstjóri gerði grein fyrir fyrirhuguðum framkvæmdum og lagði fram kostnaðaráætlun vegna breytinga á 3. hæð, samtals að upphæð 43 milljónir króna.
Framkvæmdaráð leggur áherslu á að framkvæmdum verði hagað með þeim hætti að þær verði innan ramma fjárveitinga til verksins.



3 Gatnamót Þórunnarstrætis og Bjarkarstígs
2000110091
Lögð fram stutt greinargerð um gatnamótin, í tilefni erindis Páls Tryggvasonar og bókunar framkvæmdaráðs á fundi 11. desember.
Framkvæmdaráð samþykkir að setja upp merki um stöðubann við gatnamótin.
Bæjarstjórn 6. 2. 2001



4 Bifreiðastæði við Gilsbakkaveg, Oddagötu og Brekkugötu
Rætt var um bifreiðastæði við Gilsbakkaveg, Oddagötu og Brekkugötu.
Framkvæmdaráð samþykkir að koma upp miðamælum neðan til í Gilsbakkavegi og Oddagötu og að settir verði upp 13 stöðumælar í Brekkugötu sunnan Oddeyrargötu. Þá leggur framkvæmdaráð til að íbúum á ofangreindum svæðum verði gefinn kostur á íbúakortum án gjaldtöku og að tímagjald verði 10 kr. fyrir hverjar byrjaðar 15 mín.
Bæjarstjórn 6. 2. 2001


5 Drög að framkvæmdaáætlun í gatnagerð og fráveitu 2001
Áfram var unnið að gerð framkvæmdaáætlunar.
Afgreiðslu frestað til næsta fundar.


6 Verkfundargerð
Fram var lögð fundargerð 4. verkfundar vegna Ketilhúss.




Fleira ekki gert. Fundi slitið kl. 11.30.