Framkvæmdaráð

219. fundur 15. október 2010 kl. 08:15 - 10:06 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Sigríður María Hammer
  • Silja Dögg Baldursdóttir
  • Sigfús Arnar Karlsson
Starfsmenn
  • Helgi Már Pálsson
  • Jón Birgir Gunnlaugsson
  • Bergur Þorri Benjamínsson fundarritari
Dagskrá

1.Fjárhagsáætlun 2011 - framkvæmdaráð

Málsnúmer 2010090168Vakta málsnúmer

Farið var yfir drög að fjárhagsáætlun fyrir næsta ár.

Áframhaldandi vinna við fjárhagsáætlun verður á næsta fundi.

2.Grassláttur 2010-2012 - samningar

Málsnúmer 2010060022Vakta málsnúmer

Tekið fyrir að nýju minnisblað forstöðumanns umhverfismála dags. 30. september 2010 um kostnað við að Akureyrarkaupstaður taki aftur við að slá gras á opnum svæðum bæjarins. Áður á dagskrá framkvæmdaráðs 1. október sl.

Framkvæmdaráð samþykkir að Akureyrarkaupstaður taki yfir grasslátt í bæjarfélaginu á þeim svæðum þar sem samningar við verktaka eru runnir út.

3.Snjómokstur og hálkuvarnir 2010-2012 - útboð

Málsnúmer 2010090064Vakta málsnúmer

Lagðar fram til kynningar niðurstöður vegna opnunar útboðs þann 14. október 2010.

4.Ferðamannastaðir á Íslandi - bætt aðstaða

Málsnúmer 2010070043Vakta málsnúmer

4. liður í fundargerð samstarfsnefndar um ferlimál fatlaðra dags. 23 september 2010:
Tölvubréf dags. 8. júlí 2010 frá Jóni Gunnari Benjamínssyni vegna verkefnis sem hann er að vinna að fyrir Ferðamálastofu um bætt aðgengi að ferðamannastöðum á Íslandi.
Samstarfsnefnd um ferlimál fatlaðra samþykkir að óska eftir því við framkvæmdaráð að Kjarnaskógur og Lystigarðurinn verði framlag Akureyrarkaupstaðar til verkefnis Ferðamálastofu "bætt aðgengi að ferðamannastöðum á Íslandi".
Nefndin áskilur sér þó rétt til að óska eftir að fleiri stöðum verði bætt við á seinni stigum.

Framkvæmdaráð samþykkir að fela starfsmönnum framkvæmdeildar að taka saman lista yfir þær úrbætur sem ráðast þarf í til að aðgengi fyrir fatlaða í Lystigarðinum og í Kjarnaskógi teljist fullnægjandi. Framkvæmdaráð þakkar bréfritara erindið.

Fundi slitið - kl. 10:06.