Fræðsluráð

11. fundur 12. júní 2017 kl. 13:30 - 16:41 Fundarsalur á 2. hæð í Glerárgötu 26
Nefndarmenn
  • Dagbjört Elín Pálsdóttir formaður
  • Baldvin Valdemarsson
  • Áshildur Hlín Valtýsdóttir
  • Inga Sigrún Atladóttir áheyrnarfulltrúi
Starfsmenn
  • Soffía Vagnsdóttir sviðsstjóri fræðslusviðs ritaði fundargerð
  • Hrafnhildur G Sigurðardóttir leikskólafulltrúi
  • Árni Konráð Bjarnason rekstrarstjóri
Fundargerð ritaði: Soffía Vagnsdóttir sviðsstjóri fræðslusviðs
Dagskrá
Dagný Þóra Baldursdóttir L-lista boðaði forföll. Varamaður í hennar stað komst ekki.
Siguróli Magni Sigurðsson B-lista mætti ekki á fundinn og boðaði ekki forföll.
Inga Sigrún Atladóttir Æ-lista mætti í forföllum Önnu Maríu Hjálmarsdóttur.
Halldór Guðmann Karlsson fulltrúi foreldra grunnskólabarna boðaði forföll.

1.Tónlistarskólinn 2017-2018

2017050213

Hjörleifur Örn Jónsson skólastjóri tónlistarskólans mætti á fundinn og fór yfir starfsemi tónlistarskólans á liðnum vetri og nýsköpun í skólastarfinu á hausti komanda.

Hjörleifur sagði frá þremur verkefnum sem áætlað er að fari af stað í haust:

1. Söngsalir í leik- og grunnskólum í samstarfi við leik- og grunnskóla bæjarins.

Tónlistarkennarar fara í alla skólana og kenna og þjálfa ákveðna söngva sem allir læra. Hverri önn lýkur síðan með stórum söngtónleikum í Hofi með undirleik nemendahljómsveitar úr tónlistarskólanum. Markmiðið er að auka tónlistariðkun í skólunum og auka gleði og samkennd.

2. "Þriðja leiðin" í tónlistarkennslu. Hún byggir á því að mæta þörfum þeirra nemenda sem vilja spreyta sig í opnari leið í tónlistarnámi. Mótuð hefur verið sérstök námskrá fyrir verkefnið sem verður tilraunakeyrð næsta vetur.

3. Tónlistarnámsbraut á framhaldsskólastigi.

Um er að ræða samstarf við Menntaskólann á Akureyri þar sem mótuð hefur verið þriggja ára námskrá í tónlist til stúdentsprófs. Óskað hefur verið eftir fjármagni frá mennta- og menningarmálaráðuneyti til að hefja námsbrautina haustið 2017.

Fræðsluráð fagnar þeirri miklu nýsköpun sem tónlistarskólinn er að vinna að í tónlistarkennslu á svæðinu.

Fræðsluráð hvetur mennta- og menningarmálaráðuneyti til að leggja fjármagn í tónlistarbraut á framhaldsskólastigi fyrir nemendur sem hyggja á háskólanám í tónlist, í samstarfi Tónlistarskólans á Akureyri og Menntaskólans á Akureyri. Öll þekking og aðstaða er til staðar og má þar m.a. nefna starfsemi Sinfóníuhljómsveitar Norðurlands, heimavist menntaskólans og mikla faglega þekkingu í tónlist á staðnum.

2.Sjúkrakennsla

2017040046

Bréf barst frá Júlí Ósk Antonsdóttur hdl. fyrir hönd Veru K. Vestmann Kristjánsdóttur og Kára Jóhannessonar fyrir hönd sonar þeirra Kristjáns Loga Kárasonar þar sem gerð er athugasmed við bókun fræðsluráðs frá fundi þann 22. maí 2017 um sjúkrakennslu.

Fræðsluráð vísar erindinu til umsagnar hjá lögmanni.

3.Naustaskóli 6. áfangi - lóð

2017020140

Umhverfis- og mannvirkjaráð óskaði eftir umsögn fræðsluráðs vegna framkvæmda við lóð við Naustaskóla.

Áætlaður kostnaður við að ljúka framkvæmdum er um 130 milljónir króna. Gert er ráð fyrir 60 milljónum króna í framkvæmdina.
Fræðsluráð fagnar framlögðum teikningum á lóð við Naustaskóla og að framkvæmdir séu nú hafnar.

Fræðsluráð óskar eftir 10 milljóna króna aukafjárveitingu á árinu 2017 til að hægt sé að ljúka fyrstu þremur áföngum samkvæmt teikningu.

Þá leggur fræðsluráð áherslu á að gert verði ráð fyrir síðasta áfanga lóðarinnar við gerð fjárhagsáætlunar árið 2018.

4.Frístund

2017050214

Erindi sem barst í tölvupósti þann 4. maí 2017 frá Elínu Eyjólfsdóttur forstöðumanni frístundar Giljaskóla fyrir hönd allra forstöðumanna frísunda skólanna, þar sem óskað er eftir að opnunartími frístundar verði sá sami í haust- og vetrarfríum, en þann 12. desember 2106 samþykkti skólanefnd að opnunartími í frístund væri frá kl. 13-16. Óskað er eftir að sami opnunartími verði einnig í haustfríi.
Fræðsluráð óskar eftir upplýsingum um nýtingu á þjónustu Frístundar í haustfríum síðustu ár áður en ákvörðun verður tekin.

5.Rekstur fræðslumála 2017

2017040126

Árni Konráð Bjarnason forstöðumaður reksturs fór yfir rekstur fræðslumála fyrir tímabilið janúar - apríl 2017.

6.Fimm ára deildir í grunnskólum

2017050139

Hrafnhildur Sigurðardóttir leikskólafulltrúi á fræðslusviði fór yfir stöðuna varðandi undirbúning á opnun 5 ára leikskóladeilda innan veggja grunnskóla.

Ákveðið hefur verið að hefja rekstur 5 ára leikskóladeildar í Glerárskóla haustið 2017. Fundað hefur verið með foreldrum og þeim kynntar hugmyndir um fyrirkomulagið. 5 ára deildin mun tilheyra leikskólanum Tröllaborgum og verður stýrt þaðan. Foreldrum er frjálst að nýta sér þjónustuna.

Gengið verður frá girtri lóð og keypt leiktæki sem munu nýtast til framtíðar við væntanlegan leikskóla sem byggður verður og áætlað er að verði tilbúinn haustið 2020.
Fræðsluráð leggur til að 15 milljónir króna verði settar í verkið og vísar erindinu til umhverfis- og mannvirkjasviðs. Fræðsluráð samþykkir jafnframt að bera lausafjárleigu af framkvæmdinni.

7.Starfsáætlun v/fjárhagsáætlunar fræðslumála 2018

2017060072

Árni Konráð Bjarnason forstöðumaður reksturs fór yfir drög að starfsáætluninni.

Lagt fram til kynningar og til afgreiðslu á næsta fundi fræðsluráðs.

8.Brothættar byggðir

2017060073

Erindi frá verkefnisstjóra Brothættra byggða um framtíðarsýn fyrir skólastarf í Grímsey
Fræðsluráð tekur jákvætt í erindið sem snýr að skólastarfi í Grímseyjarskóla í skýrslunni og felur sviðsstjóra fræðslusviðs að vinna málið áfram.
Inda Björk Gunnarsdóttir fulltrúi leikskólastjórnenda vék af fundi kl. 15:50.

9.Bókun I í kjarasamningi kennara

2017060074

Sviðsstjóri lagði fram til kynningar úrbótaáætlun Akureyrarbæjar vegna Bókunar I í kjarasamningi kennara.

Fundi slitið - kl. 16:41.