Félagsmálaráð

Rætt um skipulag funda ráðsins á næstunni, fundartíma, þagnarskyldu o.fl.

Kynnt rafræn handbók félagsmálaráðs 2014 - 2018. Inga Þöll Þórgnýsdóttir bæjarlögmaður mætti á fundinn kl. 11:00 og kynnti reglur um ábyrgðarmörk og siðareglur kjörinna fulltrúa.

Guðrún Sigurðardóttir framkvæmdastjóri fjölskyldudeildar kynnti stöðuna í verkefninu Stuðningurinn heim og fyrirhugaðar breytingar á þjónustunni.

Halldór Guðmundsson framkvæmdastjóri ÖA og Soffía Lárusdóttir framkvæmdastjóri búsetudeildar greindu frá erindi Norrænu velferðarmiðstöðvarinnar (NVC) þar sem leitað er eftir þátttöku fulltrúa félagslegarar þjónustu sveitarfélagsins í norræna verkefninu CONNECT. Áformað er að tvö sveitarfélög frá hverju norðurlandanna taki þátt og mögulega líka fulltrúi frá landssamböndum sveitarfélaga. Um er að ræða áhersluverkefni á vegum NVC sem hefst með undirbúningi nú í haust 2014. Verkefnið felur í sér skipulagningu og innleiðingu á velferðartækni í framkvæmd velferðarþjónustu. Kostnaður vegna þátttöku er greiddur af NVC og ráðgert að innleiðingu fylgi fjárstyrkur til þeirra sveitarfélaga sem taka þátt verkefninu. Verkefninu er skipt í tvö stig þar sem fyrst er undirbúningur og skipulagning (2014) og síðan innleiðingarferli og prófun ásamt miðlun reynslu (2015-2016).

Málefni Heilsugæslustöðvarinnar á Akureyri kynnt og rædd.

Lögð fram til kynningar ársskýrsla 2013, skýrsla sameiginlegs þjónustusvæðis í Eyjafirði um þjónustu við fatlað fólk.

Með bréfi dags 24. júní 2014 óskar velferðarráðuneytið eftir tilnefningu frá Akureyrarbæ um einn aðila í nefnd um stjórnsýslu ríkisins á sviði félagsþjónustu og barnavendar.