Bæjarstjórn

3347. fundur 03. desember 2013 kl. 16:00 - 18:20 Bæjarstjórnarsalur á 4. hæð í Ráðhúsi
Nefndarmenn
  • Geir Kristinn Aðalsteinsson forseti bæjarstjórnar
  • Hlín Bolladóttir
  • Logi Már Einarsson
  • Halla Björk Reynisdóttir
  • Inda Björk Gunnarsdóttir
  • Oddur Helgi Halldórsson
  • Tryggvi Þór Gunnarsson
  • Andrea Sigrún Hjálmsdóttir
  • Anna Hildur Guðmundsdóttir
  • Guðmundur Baldvin Guðmundsson
  • Ólafur Jónsson
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Anna Hildur Guðmundsdóttir A-lista mætti í forföllum Sigurðar Guðmundssonar.

1.Hlíðarfjall - deiliskipulag skíðasvæðis (SN070129)

2010030004

2. liður í fundargerð skipulagsnefndar dags. 27. nóvember 2013:
Skipulagsnefnd fól skipulagsstjóra þann 28. mars 2012 að yfirfara innsendar umsagnir og athugasemdir, sem bárust vegna fyrri auglýsingar á tillögunni, ásamt því að gera tillögur um breytingar í samræmi við þau atriði sem fram koma í bréfunum.
Snjóflóðahættumat fyrir skíðasvæðið hefur nú verið staðfest.
Skipulagsstjóri lagði fram endurskoðaða tillögu dags. 25. nóvember 2013 að deiliskipulagi af skíðasvæðinu í Hlíðarfjalli. Tillagan er unnin af Landslagi ehf. Einnig var lögð fram greinargerð og umhverfisskýrsla skv. lögum um umhverfismat áætlana dags. 25. nóvember 2013.
Ómar Ívarsson frá Landslagi ehf mætti á fundinn og kynnti tillöguna.
Skipulagsnefnd þakkar Ómari Ívarssyni fyrir kynninguna og leggur til við bæjarstjórn að tillagan verði auglýst skv. 1. mgr. 41. gr. skipulagslaga nr. 123/2010.

Bæjarstjórn samþykkir tillögu skipulagsnefndar með 11 samhljóða atkvæðum.

2.Sandgerðisbót - breyting á deiliskipulagi

2013110167

3. liður í fundargerð skipulagsnefndar dags. 27. nóvember 2013:
Erindi dags. 20. nóvember 2013 þar sem Bjarni Hallgrímsson, kt. 050661-5989, sækir um leyfi fyrir breytingu á deiliskipulagi Sandgerðisbótar vegna viðbyggingar á lóð nr. 19 við Óseyri í samræmi við bókun skipulagsnefndar frá 28. apríl 2010. Meðfylgjandi er tillöguuppdráttur frá Arkitektur.is dags. 25. nóvember 2013.
Þar sem um óverulega breytingu á gildandi deiliskipulagi er að ræða leggur skipulagsnefnd til við bæjarstjórn að tillagan verði grenndarkynnt skv. 2. mgr. 43. gr. skipulagslaga nr. 123/2010.

Í upphafi þessa dagskrárliðar vakti Tryggvi Þór Gunnarsson L-lista á því athygli að hann teldi sig vanhæfan að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarstjórn og var það samþykkt með 10 samhljóða atkvæðum.

Tryggvi Þór Gunnarsson L-lista sat hjá við afgreiðslu.

Tryggvi Þór Gunnarsson vék af fundi við umræðu og afgreiðslu málsins.

Oddur Helgi Halldórsson L-lista lagði fram tillögu um að vísa málinu aftur til skipulagsnefndar og var hún samþykkt með 10 samhljóða atkvæðum.

3.Skammtímavistun fyrir fatlað fólk - reglur

2011010045

5. liður í fundargerð félagsmálaráðs dags. 27. nóvember 2013:
Soffía Lárusdóttir framkvæmdastjóri búsetudeildar fór yfir tillögur að breytingum á reglum um skammtímavistun fyrir fatlað fólk sem gildi tóku 1. janúar 2013.
Félagsmálaráð samþykkir breytingarnar sem taka gildi 1. janúar 2014.

Bæjarstjórn samþykkir framlagðar reglur um skammtímavistun fyrir fatlað fólk með 11 samhljóða atkvæðum.

4.Lengd viðvera fatlaðra barna og ungmenna - reglur

2013110193

6. liður í fundargerð félagsmálaráðs dags. 27. nóvember 2013:
Reglur um lengda viðveru fatlaðra barna og ungmenna lagðar fram til afgreiðslu.
Félagsmálaráð samþykkir reglurnar með þeim breytingum sem gerðar voru á fundinum og vísar málinu til bæjarstjórnar.

Bæjarstjórn samþykkir framlagðar reglur um lengda viðveru fatlaðra barna og ungmenna með 11 samhljóða atkvæðum.

5.Álagning gjalda - fasteignagjöld 2014

2013110131

4. liður í fundargerð bæjarráðs dags. 21. nóvember 2013:
Lögð fram tillaga að álagningu fasteignagjalda á árinu 2014:

a) I) Fasteignaskattur íbúðarhúsnæðis verði 0,38% af fasteignamati húsa og lóða.
II) Fasteignaskattur hesthúsa verði 0,625% af fasteignamati húsa og lóða.

b) Fasteignaskattur sjúkrastofnana, skóla, heimavista, leikskóla, íþróttahúsa og bókasafna verði 1,32% af fasteignamati og lóðarréttindum.

c) Fasteignaskattur af öðru húsnæði en a) og b) lið verði 1,65% af fasteignamati húsa og lóða.

d) Lóðarleiga verði 0,5% af fasteignamati lóða fyrir íbúðarhúsnæði.

e) Lóðarleiga verði 2,8% af fasteignamati lóða vegna b) og c) liðar.

f) Vatnsgjald íbúðarhúsnæðis .....

g) Vatnsgjald af öðru húsnæði en íbúðum .....

h) Fráveitugjald verði 0,15% af fasteignamati húsa og lóða.

Vatnsgjald og fráveitugjald (holræsagjald) leggst á nýjar eignir þegar þær teljast fokheldar skv. fasteignamati.
Almennir gjalddagar fasteignagjalda á árinu 2014 eru átta, 3. dagur hvers mánaðar frá febrúar til september. Gjalddagi fasteignagjalda, að lægri fjárhæð en 10.000 kr., er 3. febrúar 2014. Gjalddagar fasteignagjalda, sem lögð eru á nýjar eignir á árinu, eru jafn margir og almennu gjalddagarnir sem eftir eru ársins þegar álagning fer fram. Frá 1. september er einn gjalddagi vegna nýrra eigna, 3. dagur hvers mánaðar eftir álagningu.
Bæjarráð samþykkir liði a) til e) og lið h) í framlagðri tillögu um álagningu fasteignagjalda fyrir árið 2014 ásamt tillögu um gjalddaga fasteignagjalda og vísar þeim til afgreiðslu bæjarstjórnar.

Bæjarráð frestar afgreiðslu á liðum f) og g).

Bæjarstjórn samþykkir framlagða tillögu bæjarráðs með 11 samhljóða atkvæðum.

6.Álagning gjalda - útsvar 2014

2013110130

5. liður í fundargerð bæjarráðs dags. 21. nóvember 2013:
Lögð fram tillaga um að útsvarsprósentan í staðgreiðslu opinberra gjalda á árinu 2014 í Akureyrarkaupstað verði óbreytt eða 14,48%.
Bæjarráð samþykkir að útsvarsprósenta verði óbreytt eða 14,48% og vísar tillögunni til afgreiðslu bæjarstjórnar.

Bæjarstjórn samþykkir framlagða tillögu með 11 samhljóða atkvæðum.

7.Stöðuskýrsla nefnda - umhverfisnefnd

2013090098

Hulda Stefánsdóttir formaður umhverfisnefndar gerði grein fyrir stöðuskýrslu nefndarinnar.
Almennar umræður urðu í kjölfarið.

8.Stjórnendur hjá Akureyrarbæ

2013110301

Bæjarfulltrúi Logi Már Einarsson S-lista óskaði eftir að tekið yrði til umræðu í bæjarstjórn hvort setja ætti inn í framtíðinni ákvæði um ákveðið ráðningartímabil í ráðningarsamninga hjá stjórnendum Akureyrarbæjar.
Almennar umræður urðu í kjölfarið.

Logi Már Einarsson S-lista lagði fram tillögu svohljóðandi:

Bæjarráði sem gegnir hlutverki stjórnsýslunefndar verði falið að yfirfara reglur um ráðningar embættismanna og æðstu stjórnenda bæjarins og skoða hvort eigi að samræma þær lögum og reglum sem eru í gildi hjá sambærilegum stéttum í vinnu hjá ríkinu.

Tillaga Loga Más Einarssonar var borin upp og var hún samþykkt með 9 samhljóða atkvæðum.

Inda Björk Gunnarsdóttir L-lista og Oddur Helgi Halldórsson L-lista sátu hjá við afgreiðslu.

9.Skýrsla bæjarstjóra

2010090095

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.
Eftirtaldar fundargerðir eru lagðar fram til kynningar:

Afgreiðslufundur skipulagsstjóra 21. og 27. nóvember 2013
Bæjarráð 21. og 28. nóvember 2013
Félagsmálaráð 27. nóvember 2013
Framkvæmdaráð 15. nóvember 2013
Fræðslunefnd 29. nóvember 2013
Íþróttaráð 21. nóvember 2013
Samfélags- og mannréttindaráð 20. nóvember 2013
Skipulagsnefnd 27. nóvember 2013
Skólanefnd 18. nóvember 2013
Stjórn Akureyrarstofu 14. og 26. nóvember 2013

Hægt er að nálgast fundargerðirnar á heimasíðu Akureyrarbæjar / www.akureyri.is /
Stjórnkerfið / Fundargerðir

Fundi slitið - kl. 18:20.