Bæjarstjórn

3311. fundur 01. nóvember 2011 kl. 16:00 - 17:35 Bæjarstjórnarsalur á 4. hæð í Ráðhúsi
Starfsmenn
  • Geir Kristinn Aðalsteinsson forseti bæjarstjórnar
  • Hlín Bolladóttir
  • Ólafur Jónsson
  • Halla Björk Reynisdóttir
  • Inda Björk Gunnarsdóttir
  • Oddur Helgi Halldórsson
  • Tryggvi Þór Gunnarsson
  • Andrea Sigrún Hjálmsdóttir
  • Anna Hildur Guðmundsdóttir
  • Guðmundur Baldvin Guðmundsson
  • Hermann Jón Tómasson
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá

1.Óseyri sunnan Krossanesbrautar - deiliskipulag

Málsnúmer 2011100088Vakta málsnúmer

3. liður í fundargerð skipulagsnefndar dags. 26. október 2011:
Skipulagsstjóri lagði fram, í samráði við formann skipulagsnefndar, tillögu að deiliskipulagi Óseyrar sunnan Krossanesbrautar. Um er að ræða deiliskipulag af þegar byggðu hverfi.
Meðfylgjandi er deiliskipulagsuppdráttur dags. 21. október 2011 og greinargerð dags. 21. október 2011 unnin af X2 hönnun-skipulagi.
Skipulagsnefnd leggur til við bæjarstjórn að tillagan verði auglýst skv. 1. mgr. 41. gr. skipulagslaga nr. 123/2010.

Bæjarstjórn samþykkir tillögu skipulagsnefndar með 11 samhljóða atkvæðum.

2.Hafnarsvæði í Krossanesi - breyting á deiliskipulagi, Krossanes 4

Málsnúmer 2011090003Vakta málsnúmer

1. liður í fundargerð skipulagsnefndar dags. 28. október 2011:
Erindið tekið fyrir að nýju að höfðu samráði við Skipulagsstofnun um umfang og áherslur á umhverfisáhrifum breytingarinnar, sjá nánar í meðfylgjandi bréfi dags. 27. október 2011. Niðurstöður matsins og forsendur eru lagðar fram í umhverfisskýrslu.
Meðfylgjandi er tillöguuppdráttur dags. 27. október 2011 frá AVH ehf, breytingaruppdráttur 15. september 2011 og umhverfisskýrsla dags. 27. október 2011.
Skipulagsnefnd leggur til við bæjarstjórn að tillagan og umhverfisskýrslan verði auglýst skv. 1. mgr. 43. gr. skipulagslaga nr. 123/2010 og er því fyrri auglýsing deiliskipulagsbreytingarinnar felld úr gildi.

Bæjarstjórn samþykkir tillögu skipulagsnefndar með 11 samhljóða atkvæðum.

3.Eyrarlandsvegur 30 - umsókn um deiliskipulagsbreytingu

Málsnúmer 2011100074Vakta málsnúmer

2. liður í fundargerð skipulagsnefndar dags. 28. október 2011:
Erindi dags. 19. október 2011 og 26. október 2011 þar sem Ingólfur Fr. Guðmundsson og Guðríður Friðriksdóttir f.h. Fasteigna Akureyrarbæjar, kt. 710501-2380, sækja um breytingu á deiliskipulagi vegna fyrirhugaðrar byggingar kaffihúss í Lystigarði Akureyrar við Eyrarlandsveg 30.
Um er að ræða þrjár breytingar:
1. Stækkun á byggingarmagni 30m². Bygging stækkar úr 150m² í 180m².
2. Breyting á texta í greinargerð í kafla 3.1.2 Kaffihús.
3. Lenging á skjólvegg til vesturs.
Meðfylgjandi er deiliskipulagsuppdráttur unninn af X2 hönnun-skipulagi dags. 27. október 2011.
Einungis er um að ræða minniháttar breytingu á stærð kaffihússins og minniháttar textabreytingar í greinargerð. Breytingarnar varða ekki hagsmuni annarra en Akureyrarbæjar sem lóðarhafa og eiganda Lystigarðsins.
Í ljósi þessa leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið 3. mgr. 44. gr. skipulagslaga nr. 123/2010.
("Skipulagsnefnd er heimilt að falla frá grenndarkynningu ef sýnt er fram á að breyting á deiliskipulagi eða leyfisskyld framkvæmd varði ekki hagsmuni annarra en sveitarfélagsins og/eða umsækjanda.")

Bæjarstjórn samþykkir tillögu skipulagsnefndar með 11 samhljóða atkvæðum.

4.Jafnréttisstefna Akureyrarbæjar 2011-2015

Málsnúmer 2011100052Vakta málsnúmer

4. liður í fundargerð samfélags- og mannréttindaráðs dags. 19. október 2011.
Lögð fram tillaga að endurskoðaðri jafnréttisstefnu fyrir Akureyrarbæ. Einnig var lögð fram samantekt um stöðu núgildandi jafnréttisstefnu. Við endurskoðun stefnunnar var farið yfir gátlistann Gætum jafnréttis.
Samfélags- og mannréttindaráð samþykkir tillöguna með þeim breytingum sem gerðar voru á fundinum og vísar henni til samþykktar í bæjarstjórn.

Bæjarstjórn samþykkir endurskoðaða jafnréttisstefnu Akureyrarbæjar 2011-2015 með 11 samhljóða atkvæðum.

5.Fjárhagsáætlun Akureyrarbæjar 2011 - endurskoðun

Málsnúmer 2010070048Vakta málsnúmer

6. liður í fundargerð bæjarráðs dags. 27. október 2011:
Bæjarráð vísar endurskoðun fjárhagsáætlunar 2011 til afgreiðslu bæjarstjórnar.

Bæjarstjórn samþykkir endurskoðaða fjárhagsáætlun ársins 2011 með 6 samhljóða atkvæðum.

Andrea Sigrún Hjálmsdóttir V-lista, Anna Hildur Guðmundsdóttir A-lista, Guðmundur Baldvin Guðmundsson B-lista, Hermann Jón Tómasson S-lista og Ólafur Jónsson D-lista sátu hjá við afgreiðslu.

6.Skýrsla bæjarstjóra

Málsnúmer 2010090095Vakta málsnúmer

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.
Eftirtaldar fundargerðir eru lagðar fram til kynningar:

Bæjarráð 20. og 27. október 2011
Skipulagsnefnd 26. og 28. október 2011
Afgreiðslufundur skipulagsstjóra 19. og 26. október 2011
Framkvæmdaráð 14. október 2011
Stjórn Fasteigna Akureyrarbæjar 17. október 2011
Stjórn Akureyrarstofu 12. og 18. október 2011
Skólanefnd 17. október 2011
Íþróttaráð 13. október 2011
Samfélags- og mannréttindaráð 19. október 2011

Hægt er að nálgast fundargerðirnar á heimasíðu Akureyrarbæjar / www.akureyri.is / Stjórnkerfið / Fundargerðir

Fundi slitið - kl. 17:35.