Bæjarstjórn

3310. fundur 18. október 2011 kl. 16:00 - 16:58 Bæjarstjórnarsalur á 4. hæð í Ráðhúsi
Nefndarmenn
  • Geir Kristinn Aðalsteinsson forseti bæjarstjórnar
  • Inda Björk Gunnarsdóttir
  • Ólafur Jónsson
  • Halla Björk Reynisdóttir
  • Oddur Helgi Halldórsson
  • Silja Dögg Baldursdóttir
  • Tryggvi Þór Gunnarsson
  • Andrea Sigrún Hjálmsdóttir
  • Guðmundur Baldvin Guðmundsson
  • Hermann Jón Tómasson
  • Sigurður Guðmundsson
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá

1.Bæjarstjórn Akureyrar - breytingar í nefndum

2010060027

Lögð fram tillaga D-lista um breytingu á skipan fulltrúa í umhverfisnefnd:
Kristinn Frímann Árnason, kt. 151268-5959, sem var varamaður, tekur sæti aðalmanns í stað Kolbrúnar Sigurgeirsdóttur, kt. 090266-5789.
Kristín Halldórsdóttir, kt. 120466-4109, tekur sæti varamanns í stað Kristins Frímanns Árnasonar, kt. 151268-5959.

Bæjarstjórn samþykkir tillöguna með 11 samhljóða atkvæðum.

2.Aðalskipulag - Blöndulína 3. Akureyri - Krafla. Breyting á aðalskipulagi - skipulagslýsing

0

3. liður í fundargerð skipulagsnefndar dags. 12. október 2011:
Skipulagsstjóri lagði fram skipulagslýsingu dags. 10. október 2011 unna af Árna Ólafssyni arktekt f.h. Teiknistofu arkitekta ehf vegna fyrirhugaðrar aðalskipulagsbreytingar á línuleið Blöndulínu 3 ofan Akureyrar, frá sveitafélagsmörkum Hörgárbyggðar að fyrirhuguðu tengivirki við Kífsá og jarðstrengjaleið þaðan að Rangárvöllum.
Skipulagsnefnd leggur til við bæjarstjórn að skipulagslýsingin verði kynnt almenningi, leitað verði umsagnar Skipulagsstofnunar og annarra umsagnaraðila um skipulagslýsinguna.

Bæjarstjórn samþykkir tillögu skipulagsnefndar með 11 samhljóða atkvæðum.

3.Aðalskipulag Akureyrar 2005 - 2018 - breyting vegna lengingar varnargarðs við Hofsbót

2011100023

4. liður í fundargerð skipulagsnefndar dags. 12. október 2011:
Skipulagsstjóri lagði fram tillögu að breytingu á Aðalskipulagi Akureyrar 2005-2018 unna af Árna Ólafssyni f.h. Teiknistofu arkitekta ehf dags. 7. október 2011. Um er að ræða breytingu vegna fyrirhugaðrar lengingar á varnargarði við Hofsbót.
Breyting þessi felur ekki í sér stefnu um leyfisveitingar til framkvæmda, sem tilgreindar eru í lögum um mat á umhverfisáhrifum nr. 106/2000 og er hún því ekki háð lögum nr. 105/2006 um umhverfismat áætlana. Breytingin er óveruleg og hefur hvorki áhrif á ósnortna náttúru, jarðmyndanir og vistkerfi sem njóta sérstakrar verndar, verndarsvæði né skráðar fornminjar. Breytingin hefur ekki í för með sér neikvæð áhrif á nágranna eða landnotkun og nýtingu aðliggjandi svæða.
Meirihluti skipulagsnefndar leggur því til við bæjarstjórn að tillagan verði samþykkt í samræmi við 2. mgr. 36. gr. skipulagslaga nr. 123/2010.
Auður Jónasdóttir V-lista greiðir atkvæði á móti og óskar bókað að eðlilegra væri að vinna þessa beiðni með miðbæjarskipulaginu í heild. Ekki er hægt að ýta vinnu við miðbæjarskipulagið lengur á undan sér, því fleiri mál bíða úrlausnar.

Bæjarstjórn samþykkir tillögu meirihluta skipulagsnefndar með 10 atkvæðum gegn atkvæði Andreu Sigrúnar Hjálmsdóttur V-lista.

4.Eyrarlandsvegur FSA - umsókn um breytingu á deiliskipulagi

2011060017

5. liður í fundargerð skipulagsnefndar dags. 12. október 2011:
Erindi dags. 30. september 2011 frá Fanneyju Hauksdóttur þar sem hún f.h. Sjúkrahússins á Akureyri, kt. 580269-2229, leggur fram tillögu að breytingu á deiliskipulagi lóðar FSA við Eyrarlandsveg.
Breytingin felst í að heimilt verður að rífa líkhús.
Þar sem einungis er um að ræða minniháttar breytingu er varðar niðurrif á húsnæði sem ekki er í notkun og er breyting sem varðar Akureyrarbæ og lóðarhafa leggur skipulagsnefnd til við bæjarstjórn að deiliskipulagstillagan verði samþykkt í samræmi við 3. mgr. 44. gr. skipulagslaga nr. 123/2010.

Bæjarstjórn samþykkir tillögu skipulagsnefndar með 11 samhljóða atkvæðum.

5.Hamratún 22-24 - umsókn um breytingu á deiliskipulagi

2011090103

7. liður í fundargerð skipulagsnefndar dags. 12. október 2011:
Erindi dags. 21. september 2011 þar sem Bergur Steingrímsson f.h. Trétaks ehf, kt. 551087-1239, sækir um breytingu á deiliskipulagi sem felst í að skipta lóðinni nr. 22-24 við Hamratún í tvær lóðir og byggja fjögurra íbúða hús á hvorri lóð. Meðfylgjandi er tillaga að breytingu á deiliskipulagi lóðarinnar unnin af Ágústi Hafsteinssyni hjá Form ehf, dags. 4. október 2011.
Þar sem um óverulega breytingu á gildandi deiliskipulagi er að ræða leggur skipulagsnefnd til við bæjarstjórn að tillagan verði grenndarkynnt skv. 2. mgr. 43. gr. skipulagslaga nr. 123/2010.

Bæjarstjórn samþykkir tillögu skipulagsnefndar með 11 samhljóða atkvæðum.

6.Golfklúbbur Akureyrar - uppbyggingarsamningur

2007030220

Umræður um gildandi samning við Golfklúbb Akureyrar. Á fundi bæjarráðs þann 8. september sl. kom fram tillaga frá bæjarfulltrúa Sigurði Guðmundssyni A-lista að vísa umræðu um gildandi samning milli Akureyrarbæjar og Golfklúbbs Akureyrar til bæjarstjórnar og var tillagan samþykkt.

Fram kom tillaga að bókun svohljóðandi:

Bæjarstjórn samþykkir 20 milljóna króna fjárveitingu til Golfklúbbs Akureyrar (GA) sem ekki er á fjárhagsáætlun ársins 2011 en er í samræmi við gildandi samning milli Akureyrarbæjar og GA dags. 26. mars 2007 með viðauka dags. 9. desember 2009.

Bæjarstjórn samþykkir framlagða bókun með 6 atkvæðum gegn 5 atkvæðum Hermanns Jóns Tómassonar S-lista, Guðmundar Baldvins Guðmundssonar B-lista, Sigurðar Guðmundssonar A-lista, Ólafs Jónssonar D-lista og Andreu Sigrúnar Hjálmsdóttur V-lista.

Hermann Jón Tómasson S-lista óskar bókað:

Sú tillaga sem hér er til afgreiðslu var í raun afgreidd af meirihluta L-listans án samráðs við bæjarstjórn eða bæjarráð snemma á þessu ári. Ég tek ekki þátt í að skrifa upp á ákvarðanir sem teknar eru með þessum hætti og greiði því atkvæði gegn henni.

Guðmundur Baldvin Guðmundsson B-lista óskar bókað:

Með vísan til málsmeðferðar og vinnubragða meirihlutans í máli þessu greiði ég atkvæði gegn þessari tillögu.

Fulltrúar meirihlutans óska bókað:

Meirihluti bæjarstjórnar hefur reynt að fá samningi milli Akureyrarbæjar og Golfklúbbs Akureyrar frá 26. mars 2007 með viðauka dags. 9. desember 2009 breytt en ekki tekist þar sem samningnum verður ekki breytt einhliða. Engin ákvæði eru í samningnum að fjárveitingar vegna hans taki mið af fjárhagsáætlun hverju sinni eins og oft tíðkast.

7.Skýrsla bæjarstjóra

2010090095

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.
Eftirtaldar fundargerðir eru lagðar fram til kynningar:

Bæjarráð 6. október 2011
Stjórnsýslunefnd 12. október 2011
Skipulagsnefnd 12. október 2011
Afgreiðslufundur skipulagsstjóra 5. og 12. október 2011
Framkvæmdaráð 30. september og 7. október 2011
Stjórn Fasteigna Akureyrarbæjar 30. september og 7. október 2011
Stjórn Akureyrarstofu 6. október 2011
Skólanefnd 3., 5. og 10. október 2011
Íþróttaráð 29. september og 7. október 2011
Félagsmálaráð 10. og 12. október 2011
Samfélags- og mannréttindaráð 5. og 11. október 2011
Umhverfisnefnd 11. október 2011

Hægt er að nálgast fundargerðirnar á heimasíðu Akureyrarbæjar / www.akureyri.is / Stjórnkerfið / Fundargerðir

Fundi slitið - kl. 16:58.