Bæjarstjórn

3299. fundur 01. mars 2011 kl. 16:00 - 19:40 Bæjarstjórnarsalur á 4. hæð í Ráðhúsi
Nefndarmenn
  • Geir Kristinn Aðalsteinsson forseti bæjarstjórnar
  • Hlín Bolladóttir
  • Guðmundur Baldvin Guðmundsson
  • Halla Björk Reynisdóttir
  • Oddur Helgi Halldórsson
  • Sigmar Arnarsson
  • Tryggvi Þór Gunnarsson
  • Andrea Sigrún Hjálmsdóttir
  • Hermann Jón Tómasson
  • Ólafur Jónsson
  • Sigurður Guðmundsson
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá

1.Afgreiðslur skipulagsstjóra

2010010128

Lögð fram 336. fundargerð afgreiðslufundar skipulagsstjóra dags. 16. febrúar 2011.
Fundargerðin er í 7 liðum. Skipulagsstjóri óskar eftir staðfestingu bæjarstjórnar á 1., 3., 4., 6. og 7. lið. Aðrir liðir gefa ekki tilefni til ályktunar.

Bæjarstjórn staðfestir 1., 3., 4., 6. og 7. lið í fundargerð skipulagsstjóra dags. 16. febrúar 2011 með 11 samhljóða atkvæðum.

2.Afgreiðslur skipulagsstjóra

2010010128

Lögð fram 337. fundargerð afgreiðslufundar skipulagsstjóra dags. 23. febrúar 2011.
Fundargerðin er í 7 liðum. Skipulagsstjóri óskar eftir staðfestingu bæjarstjórnar á 1., 2., 3., 6. og 7. lið. Aðrir liðir gefa ekki tilefni til ályktunar.

Bæjarstjórn staðfestir 1., 2., 3., 6. og 7. lið í fundargerð skipulagsstjóra dags. 23. febrúar 2011 með 11 samhljóða atkvæðum.

3.Miðbær norðurhluti - breyting á deiliskipulagi - Hólabraut - Laxagata

0

1. liður í fundargerð skipulagsnefndar dags. 23. febrúar 2011:
Í framhaldi af máli BN100248 lagði skipulagsstjóri fram í samráði við formann skipulagsnefndar tillögu að breytingu á deiliskipulagi norðurhluta miðbæjar. Deiliskipulagsuppdrátturinn ásamt húsakönnun er unnin af X2 skipulagi og hönnun ehf, dags. 7. febrúar 2011.
Haldinn var íbúafundur þann 17. febrúar 2011 og tillagan kynnt. Á fundinum komu m.a. fram óskir um breytingar á Hólabraut til að sporna við gegnumakstri í götunni sem er til mikils ama fyrir íbúa við götuna.
Skipulagsnefnd leggur til að Hólabraut verði gerð að botnlangagötu við Smáragötu og að gerður verði snúningshaus við enda hennar. Einnig að sett verði kvöð um að lóðarhafi Hólabrautar 16 setji girðingu við gangstétt í Laxagötu og hliðslá við útkeyrslu að Laxagötu sem eingöngu yrði notuð vegna vöruflutninga.
Skipulagsnefnd leggur til við bæjarstjórn að tillagan þannig breytt verði auglýst skv. 1. mgr. 41. gr. skipulagslaga nr. 123/2010.

Bæjarstjórn samþykkir tillögu skipulagsnefndar með 10 samhljóða atkvæðum.

Ólafur Jónsson D-lista sat hjá við afgreiðslu.

4.Gatnagerðargjöld - endurskoðun 2011

2011020017

3. liður í fundargerð skipulagsnefndar dags. 23. febrúar 2011:
Skipulagsstjóri lagði fram í samráði við formann skipulagsnefndar tillögu að endurskoðaðri gjaldskrá gatnagerðargjalda á Akureyri. Tillagan er unnin með bæjarlögmanni og fjármálastjóra en þar er lagt til að veittur verði tímabundinn 20% afsláttur af gatnagerðargjaldi frá 1. janúar 2011 til 30. júní 2012. Einnig er gert ráð fyrir að veittur verði afsláttur af gatnagerðargjaldi íbúðarhúsalóða vegna jarðvegsdýptar.
Skipulagsnefnd leggur til við bæjarstjórn að tillagan verði samþykkt.

Bæjarstjórn samþykkir tillögu skipulagsnefndar með 11 samhljóða atkvæðum.

5.Kjarasamningsumboð Akureyrarbæjar til Sambands íslenskra sveitarfélaga 2011

2011020033

5. liður í fundargerð bæjarráðs dags. 17. febrúar 2011:
Lagt fram samkomulag um kjarasamningsumboð Akureyrarbæjar til SNS f.h. Sambands íslenskra sveitarfélaga við stéttarfélög.
Bæjarráð samþykkir kjarasamningsumboðin og vísar þeim til afgreiðslu bæjarstjórnar.

Bæjarstjórn samþykkir samningsumboðin með 11 samhljóða atkvæðum.

6.Unglingadansleikir - reglur Akureyrarkaupstaðar

2011010099

3. liður í fundargerð samfélags- og mannréttindaráðs dags. 16. febrúar 2011:
Drög að reglum Akureyrarkaupstaðar vegna unglingadansleikja lögð fram. Í þeim kemur fram hvaða skilyrði skuli setja í umsögnum bæjarlögmanns um leyfi til að standa fyrir dansleikjum fyrir 14-17 ára ungmenni.
Alfa Aradóttir forstöðumaður forvarna- og æskulýðsmála sat fundinn undir þessum lið.
Samfélags- og mannréttindaráð samþykkir reglurnar fyrir sitt leyti og vísar þeim til bæjarstjórnar til samþykktar.

Bæjarstjórn samþykkir framlagðar reglur með 11 samhljóða atkvæðum.

7.Samþykkt um kattahald í Akureyrarkaupstað - endurskoðun - seinni umræða

2010110078

4. liður í fundargerð framkvæmdaráðs dags. 18. febrúar 2011:
Lögð fram til annarar umræðu ný samþykkt um kattahald.
Sverrir Thorstensen mætti á fundinn.
Framkvæmdaráð samþykkir nýja samþykkt um kattahald í Akureyrarkaupstað og vísar henni til síðari umræðu í bæjarstjórn.

Sigurður Guðmundsson A-lista lagði fram tillögu um að 1. málsgrein í 2. grein falli út og í staðinn komi:

"Lausaganga katta er bönnuð á Akureyri."

Tillagan var borin upp og felld með 9 atkvæðum gegn atkvæði Sigurðar Guðmundssonar A-lista.

Halla Björk Reynisdóttir L-lista sat hjá við afgreiðslu

Sigurður Guðmundsson A-lista lagði fram tillögu um að 1. málsgrein í 2. grein falli út og í staðinn komi:

"Lausaganga katta er bönnuð á Akureyri á tímabilinu 1. maí til 1. júlí ár hvert."

Tillagan var borin upp og felld með 8 atkvæðum gegn atkvæði Sigurðar Guðmundssonar A-lista.

Halla Björk Reynisdóttir L-lista og Ólafur Jónsson D-lista sátu hjá við afgreiðslu.

Bæjarstjórn samþykkir framlagða Samþykkt um kattahald í Akureyrarkaupstað með 10 atkvæðum gegn atkvæði Sigurðar Guðmundssonar A-lista.

8.Kattahald - gjaldskrár 2011

2010120062

5. liður í fundargerð framkvæmdaráðs dags. 18. febrúar 2011:
Lögð fram gjaldskrá fyrir kattahald í Akureyrarkaupstað.
Framkvæmdaráð samþykkir gjaldskrá um kattahald í Akureyrarkaupstað. Gert er ráð fyrir að eftirlitsgjald verði kr. 6.000 og skráningargjald kr. 10.000.

Bæjarstjórn samþykkir framlagða gjaldskrá með 11 samhljóða atkvæðum.

9.Stefnumótun ÍRA

2007120016

Tekin fyrir íþróttastefna Akureyrarkaupstaðar sem íþróttaráð lagði til á fundi sínum þann 11. nóvember sl. að óska eftir að yrði tekin fyrir í bæjarstjórn.

Eiríkur Björn Björgvinsson bæjarstjóri lagði fram tillögu um breytingu á 4. málsgrein undir yfirliðnum Leiðir á bls. 3 og orðist hún svo:

- að skipulagsdeild gefi út og uppfæri reglulega kort af Akureyri og nágrenni, Grímsey og Hrísey þar sem göngu-, hjóla- og reiðstígar eru merktir.

Breytingartillagan var borin upp og samþykkt með 11 samhljóða atkvæðum.

Bæjarstjórn samþykkir framlagða íþróttastefnu Akureyrarkaupstaðar með framangreindri breytingu með 11 samhljóða atkvæðum.

10.Atvinnumál - umræða

2011020142

Bæjarfulltrúi Sigurður Guðmundsson A-lista óskaði eftir að atvinnumál á Akureyri yrðu tekin til umræðu.
Almennar umræður fóru fram á fundinum.

11.Fjárhagsáætlun Akureyrarbæjar - þriggja ára áætlun 2012-2014 - fyrri umræða

2011010090

7. liður í fundargerð bæjarráðs dags. 24. febrúar 2011:
Bæjarráð vísar þriggja ára áætlun 2012-2014 til fyrri umræðu í bæjarstjórn.

Fram kom tillaga um að vísa þriggja ára áætlun Akureyrarkaupstaðar 2012-2014 til bæjarráðs og síðari umræðu í bæjarstjórn og var hún samþykkt með 11 samhljóða atkvæðum.

12.Skýrsla bæjarstjóra

2010090095

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.
Eftirtaldar fundargerðir eru lagðar fram til kynningar:

Bæjarráð 17., 22. og 24. febrúar 2011
Skipulagsnefnd 23. febrúar 2011
Framkvæmdaráð 18. febrúar 2011
Stjórn Fasteigna Akureyrarbæjar 18. febrúar 2011
Stjórn Akureyrarstofu 3. ágúst 2010, 27. janúar, 3. og 9. febrúar 2011
Skólanefnd 21. febrúar 2011
Íþróttaráð 17. febrúar 2011
Samfélags- og mannréttindaráð 16. febrúar 2011

Hægt er að nálgast fundargerðirnar á heimasíðu Akureyrarbæjar / www.akureyri.is / Stjórnkerfið / Fundargerðir

Fundi slitið - kl. 19:40.