Bæjarstjórn

3463. fundur 19. nóvember 2019 kl. 16:00 - 17:35 Hamrar í Hofi
Nefndarmenn
  • Halla Björk Reynisdóttir forseti bæjarstjórnar
  • Hlynur Jóhannsson
  • Andri Teitsson
  • Guðmundur Baldvin Guðmundsson
  • Heimir Haraldsson
  • Hilda Jana Gísladóttir
  • Ingibjörg Ólöf Isaksen
  • Eva Hrund Einarsdóttir
  • Gunnar Gíslason
  • Sóley Björk Stefánsdóttir
  • Þórhallur Jónsson
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir fundarritari
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Bæjarstjórn Akureyrarbæjar - breytingar í nefndum 2018-2022 - leyfi frá bæjarstjórn

Málsnúmer 2018060500Vakta málsnúmer

Tekið fyrir erindi Hildar Bettyjar Kristjánsdóttur, dagsett 4. nóvember 2019, þar sem hún óskar eftir ársleyfi frá störfum sem varabæjarfulltrúi L-lista frá 1. desember 2019 til 1. desember 2020.
Bæjarstjórn samþykkir tillöguna með 11 samhljóða atkvæðum.

2.Bæjarstjórn Akureyrarbæjar - breytingar í nefndum 2018-2022 - umhverfis- og mannvirkjaráð

Málsnúmer 2018060500Vakta málsnúmer

Lögð fram tillaga M-lista um breytingu á skipan fulltrúa í umhverfis- og mannvirkjaráði:

Sigríður Valdís Bergvinsdóttir, kt. 041270-2929, verði varafulltrúi í stað Helga Sveinbjörns Jóhannssonar.
Bæjarstjórn samþykkir tillöguna með 11 samhljóða atkvæðum.

3.Fjárhagsáætlun Akureyrarbæjar 2019 - viðauki

Málsnúmer 2018050147Vakta málsnúmer

Liður 6 í fundargerð bæjarráðs dagsettri 14. nóvember 2019:

Lagður fram viðauki 9.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka að upphæð 12,7 milljónir króna og vísar honum til staðfestingar í bæjarstjórn.

Guðmundur Baldvin Guðmundsson kynnti efni viðaukans.
Bæjarstjórn staðfestir ákvörðun bæjarráðs með 11 samhljóða atkvæðum.

4.Svæðisskipulag Eyjafjarðar, breyting vegna Blöndulínu 3 og Hólasandslínu 3

Málsnúmer 2018010229Vakta málsnúmer

Liður 3 í fundargerð skipulagsráðs dagsettri 13. nóvember 2019:

Lögð fram tillaga að breytingu á svæðisskipulagi Eyjafjarðar 2012-2024 sem varðar breytingu á stefnu um flutningslínur raforku. Svæðisskipulagsnefnd Eyjafjarðar afgreiddi breytingartillöguna á fundi 7. nóvember 2019.

Skipulagsráð leggur til við bæjarstjórn að hún samþykki að breytingin verði auglýst skv. 1. mgr. 24. gr. skipulagslaga nr. 123/2010.

Þórhallur Jónsson kynnti tillögu skipulagsráðs.
Bæjarstjórn samþykkir tillögum skipulagsráðs með 11 samhljóða atkvæðum.

5.Hlíðarfjall - rekstur

Málsnúmer 2019070527Vakta málsnúmer

Liður 1 í fundargerð bæjarráðs dagsettri 7. nóvember 2019:

Lagt fram minnisblað um áætlun þess efnis að breyta rekstri Hlíðarfjalls sem hefur verið A-hluta fyrirtæki í B-hluta fyrirtæki.

Kristinn J. Reimarsson sviðsstjóri samfélagssviðs, Inga Þöll Þórgnýsdóttir bæjarlögmaður og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð samþykkir að breyta rekstri Hlíðarfjalls frá 1. janúar 2020 í B-hluta fyrirtæki með þriggja manna stjórn og felur bæjarstjóra að vinna að nauðsynlegum skipulagsbreytingum vegna þessa. Bæjarráð vísar þessari bókun til bæjarstjórnar.

Guðmundur Baldvin Guðmundsson kynnti afgreiðslu bæjarráðs.

Í umræðum tóku til máls Gunnar Gíslason og Guðmundur Baldvin Guðmundsson.
Bæjarstjórn samþykkir með 11 samhljóða atkvæðum að rekstri Hlíðarfjalls verði breytt í B-hluta fyrirtæki. Jafnframt vísar bæjarstjórn málinu aftur til bæjarráðs til frekari meðferðar.

6.Ný samþykkt fyrir Sinfóníuhljómsveit Norðurlands

Málsnúmer 2019110021Vakta málsnúmer

Liður 8 í fundargerð stjórnar Akureyrarstofu dagsettri 7. nóvember 2019:

Hljómsveitarráð Sinfóníuhljómsveitar Norðurlands hefur að undanförnu unnið að tillögu um gagngerar breytingar á skipulagsskrá hljómsveitarinnar í samvinnu við starfsfólk Akureyrarstofu. Er það gert í því ljósi að öll ábyrgð og ákvarðanir vegna reksturs og starfsemi SN hefur flust til stjórnar Menningarfélags Akureyrar og þar af leiðandi breytist hlutverk sjálfseignarstofnunarinnar og hljómsveitarráðs. Breytingarnar fela m.a. í sér að hljómsveitarráð verður listráð og hlutverk þess fyrst og fremst að vera tónlistarstjóra SN til ráðgjafar í verkefnavali, að standa vörð um sögu og vörumerki SN, að skipa einn fulltrúa í stjórn MAk og vinna að því að koma á hollvinafélagi Sinfóníuhljómsveitar Norðurlands.

Stjórn Akureyrarstofu samþykkir samþykkt fyrir Sinfóníuhljómsveit Norðurlands og vísar henni til bæjarstjórnar til staðfestingar.

Hilda Jana Gísladóttir kynnti afgreiðslu stjórnar Akureyrarstofu.
Bæjarstjórn staðfestir ákvörðun stjórnar Akureyrarstofu með 11 samhljóða atkvæðum.

7.Brúum bilið - vinnuhópur

Málsnúmer 2018120163Vakta málsnúmer

Umræða um drög að skýrslu starfshóps um leiðir til að brúa bilið á milli fæðingarorlofs og leikskóla.

Ingibjörg Ólöf Isaksen kynnti drögin og vinnu starfshópsins.

Í umræðum tóku til máls Gunnar Gíslason, Hilda Jana Gísladóttir, Ingibjörg Ólöf Isaksen, Halla Björk Reynisdóttir, Andri Teitsson, Sóley Björk Stefánsdóttir, Eva Hrund Einarsdóttir og Guðmundur Baldvin Guðmundsson

8.Skýrsla bæjarstjóra

Málsnúmer 2010090095Vakta málsnúmer

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.
Eftirtaldar fundargerðir eru lagðar fram til kynningar:

Afgreiðslufundur byggingarfulltrúa 30. október, 7. og 14. nóvember 2019
Bæjarráð 7. og 14. nóvember 2019
Frístundaráð 6. nóvember 2019
Fræðsluráð 11. nóvember 2019
Skipulagsráð 13. nóvember 2019
Umhverfis- og mannvirkjaráð 1. nóvember 2019
Velferðarráð 6. nóvember 2019

Hægt er að nálgast fundargerðirnar á heimasíðu Akureyrarbæjar: https://www.akureyri.is/is/stjornkerfi/stjornsysla/fundargerdir

Fundi slitið - kl. 17:35.