Bæjarstjórn

Borin upp tillaga Guðmundar Baldvins Guðmundssonar B-lista:

Ég legg til að málinu verði vísað til bæjarráðs til frekari umræðu og útfærslu.

Fimm greiða atkvæði með tillögunni.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jóhannsson D-lista greiða atkvæði gegn tillögunni. Ingibjörg Ólöf Isaksen situr hjá við afgreiðslu.

Tillagan fellur því á jöfnum atkvæðum.



Borin upp tillaga Sóleyjar Bjarkar Stefánsdóttur V-lista:

Legg til að málinu verði frestað og undirbúin verði skoðanakönnun á vettvangi íbúagáttar á vef Akureyrarkaupstaðar undir þeim formerkjum að komi fram afdráttarlaus vilji meirihluta íbúa verði tekið mið af honum.

Meirihluti bæjarstjórnar samþykkir tillöguna með 6 atkvæðum.

Andri Teitsson L-lista, Dagbjört Elín Pálsdóttir S-lista, Guðmundur Baldvin Guðmundsson B-lista, Halla Björk Reynisdóttir L-lista og Hilda Jana Gísladóttir S-lista sitja hjá við afgreiðsluna.

Eva Hrund Einarsdóttir D-lista, Gunnar Gíslason D-lista og Þórhallur D-lista leggja fram eftirfarandi bókun:

Bæjarfulltrúar Sjálfstæðisflokksins leggja til að komið verði á skilvirku ferli á skipulagssviði bæjarins sem vakti allar eignir í bænum sem koma í sölu. Markmiðið er að bærinn kaupi upp eignir sem talið er mikilvægt að eignast með tilliti til skipulagsbreytinga sem þjóna framtíðarhagsmunum íbúa á Akureyri.

Bæjarstjórn samþykkir tillögu skipulagsráðs með 11 samhljóða atkvæðum.

Bæjarstjórn samþykkir eftirfarandi ályktun með 11 samhljóða atkvæðum:

Bæjarstjórn Akureyrarkaupstaðar lýsir ánægju með framkomnar niðurstöður átakshóps um aukið framboð á íbúðum og aðgerðir til að bæta stöðu á húsnæðismarkaði. Mikilvægt er að fulltrúar sveitarfélaganna taki beinan þátt í þeirri vinnu sem fram undan er við mótun og eftirfylgd aðgerðanna og lögð verði áhersla á að útfærsla þeirra verði einföld í framkvæmd og verði ekki of íþyngjandi fyrir sveitarfélög í landinu.

Eva Hrund Einarsdóttir D-Lista, Gunnar Gíslason D-lista, Þórhallur Jónsson D-lista, Hlynur Jóhannsson M-lista og Sóley Björk Stefánsdóttir V-lista leggja fram eftirfarandi bókun:

Fulltrúar minnihlutans leggja áherslu á að Akureyrarbær sýni metnað til að standa við góðan vilja í umhverfismálum með því að fylgja aðgerðaáætlun Umhverfis- og samgöngustefnu Akureyrarbæjar. Það er ljóst að betur má ef duga skal og auknum kröftum þarf að beita til að standa við góðu orðin. Eitt af brýnustu verkefnunum er að setja inn á heimasíðu bæjarins góðar leiðbeiningar um flokkun ásamt upplýsingum um afdrif þess sorps sem flokkað er.

Bæjarstjórn samþykkir eftirfarandi bókun með 11 samhljóða atkvæðum:

Bæjarstjórn Akureyrar skorar á stjórnvöld að tryggja í nýrri samgönguáætlun fjármögnun grunnrannsókna og samanburð á bestu kostum á legu mögulegra jarðganga undir Tröllaskaga, auk rannsóknar á samfélags- og efnahagslegum áhrifum sem leiða af nýjum Tröllaskagagöngum.

Tröllaskagagöng munu ótvírætt hafa mikinn ávinning í för með sér í formi styttingar vegalengda á milli allra stærstu þéttbýlisstaða á Norðurlandi, aukins öryggis vegfarenda þar sem ný leið sem sneiðir fram hjá hæstu fjallvegum yrði til, stækkunar vinnusóknarsvæða, styrkingar almennrar þjónustu og eflingar ferðaþjónustu auk bættrar samkeppnisstöðu landshlutans. Slík jarðgöng myndu breyta svo miklu á svo stóru svæði að örðugt er að sjá áhrifin fyrir án ítarlegrar og faglegrar athugunar. Bæjarstjórn Akureyrar leggur þunga áhersla á að nauðsynlegur undirbúningur og frumrannsóknir vegna nýrra Tröllaskagaganga hljóti fjármögnun innan nýrrar samgönguáætlunar.