Bæjarstjórn

3413. fundur 25. apríl 2017 kl. 16:00 - 20:30 Bæjarstjórnarsalur á 4. hæð í Ráðhúsi
Nefndarmenn
  • Matthías Rögnvaldsson forseti bæjarstjórnar
  • Ingibjörg Ólöf Isaksen
  • Preben Jón Pétursson
  • Anna Hildur Guðmundsdóttir
  • Dagbjört Elín Pálsdóttir
  • Guðmundur Baldvin Guðmundsson
  • Sigríður Huld Jónsdóttir
  • Elías Gunnar Þorbjörnsson
  • Gunnar Gíslason
  • Sigurjón Jóhannesson
  • Sóley Björk Stefánsdóttir
Starfsmenn
  • Eiríkur Björn Björgvinsson bæjarstjóri
  • Dagný Magnea Harðardóttir fundarritari
Fundargerð ritaði: Dagný Magnea Harðardóttir skrifstofustjóri Ráðhúss
Dagskrá
Anna Hildur Guðmundsdóttir L-lista mætti í forföllum Silju Daggar Baldursdóttur.
Sigurjón Jóhannesson D-lista mætti í forföllum Evu Hrundar Einarsdóttur.
Elías Gunnar Þorbjörnsson D-lista mætti í forföllum Baldvins Valdemarssonar.

1.Bæjarstjórn Akureyrar - breytingar í nefndum 2014-2018

2014060234

Lögð fram tillaga um breytingu á aðalfulltrúa í Atvinnuþróunarfélagi Eyjafjarðar:

Matthías Rögnvaldsson, kt. 141271-4669, verður aðalfulltrúi í stað Unnars Jónssonar, kt. 130467-5049.
Bæjarstjórn samþykkir tillöguna með 11 samhljóða atkvæðum.

2.Kjarnagata 51 og 53, Elísarbetarhagi 1, Kristjánshagi 2 og Davíðshagi 2 og 4 - umsókn um breytingu á skipulagi

2017020135

7. liður í fundargerð skipulagsráðs dagsett 12. apríl 2017:

Erindi dagsett 22. febrúar 2017 þar sem Haraldur S. Árnason fyrir hönd SS Byggis ehf., kt. 620687-2519, sækir um breytingu á deiliskipulagi fyrir lóðir nr. 2 og 4 við Davíðshaga. Bílakjallarar fyrir Davíðshaga 2 og 4 verði sameinaðir og ein aðkoma verði að þeim sem verði staðsett milli Kristjánshaga 2 og Davíðshaga 4. Lóð Davíðshaga 2 sem nýtt var fyrir aðkomu í bílakjallara verði breytt í bílastæði. Snjóruðningssvæði sem staðsett er við hlið bílastæða fyrir Davíðshaga 4 verði fellt út og sameinað lóð hússins og því breytt í bílastæði. Einnig er óskað eftir því að sameina leiksvæði er tilheyra Kjarnagötu 51 og 53, Davíðshaga 2 og 4, Elísabetarhaga 1 og Kristjánshaga 2 svo og að byggt verði aðstöðuskýli fyrir leiksvæðið. Skipulagsráð heimilaði umsækjanda þann 8. mars 2017 að leggja fram tillögu að breytingu á deiliskipulagi en mælst var til að ekki verði samfelld bílaröð framan við Davíðshaga 2-4. Tillagan er dagsett 12. apríl 2017 og unnin af Ómari Ívarssyni hjá Landslagi ehf. þar sem lagt er til að lóðirnar Kjarnagata 51 og 53, Elísabetarhagi 1, Kristjánshagi 2 og Davíðshagi 2 og 4 verði sameinaðar í eina lóð. Sér afnotahlutar eru afmarkaðir fyrir hvert hús og byggingarreitur gerður fyrir sameiginlegt aðstöðuhús á leiksvæði.

Einungis er um að ræða breytingu sem varðar Akureyrarkaupstað og lóðarhafa. Þess vegna leggur skipulagsráð til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010 og sviðsstjóra skipulagssviðs falið að annast gildistöku hennar.
Bæjarstjórn samþykkir tillögu skipulagsráðs með 11 samhljóða atkvæðum.

3.Hlíðarendi - umsókn um heimild til deiliskipulags

2017030536

10. liður í fundargerð skipulagsráðs dagsett 12. apríl 2017:

Erindi dagsett 24. mars 2017 þar sem Sigurður Sigurðsson fyrir hönd SS Byggis ehf., kt. 620687-2519, leggur fram skipulagslýsingu vegna gerðar deiliskipulags í Hálöndum og sækir um heimild til að deiliskipuleggja lóðir í landi Hálanda.

Skipulagsráð leggur til við bæjarstjórn að skipulagslýsingin verði kynnt almenningi og leitað verði umsagnar Skipulagsstofnunar og annarra umsagnaraðila um hana. Skipulagsráð heimilar umsækjanda að vinna tillögu að deiliskipulagi svæðisins, sem verði auglýst skv. 41. grein skipulagslaga nr. 123/2010. Umsækjanda er bent á að hafa samráð við Minjastofnun varðandi fornleifaskráningu svæðisins.

Edward Hákon Huijbens V-lista sat hjá við afgreiðsluna.
Bæjarstjórn samþykkir tillögu skipulagsráðs með 10 samhljóða atkvæðum.

Sóley Björk Stefánsdóttir V-lista sat hjá við afgreiðslu.

4.Slökkvilið Akureyrar - gjaldskrá 2017

2016120137

4. liður í fundargerð bæjarráðs dagsett 19. apríl 2017:

1. liður í fundargerð umhverfis- og mannvirkjaráðs dagsett 7. apríl 2017:

Ólafur Stefánsson slökkviliðsstjóri mætti á fundinn og lagði fram gjaldskrá fyrir Slökkvilið Akureyrar fyrir árið 2017. Umhverfis- og mannvirkjaráð samþykkir framlagða gjaldskrá og vísar henni til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir gjaldskrána og vísar henni til staðfestingar í bæjarstjórn.
Bæjarstjórn staðfestir gjaldskrána með 11 samhljóða atkvæðum.

5.Barnafjölskyldur á Akureyri

2017040118

Gunnar Gíslason D-lista óskaði eftir umræðu um málefni barnafjölskyldna á Akureyri sem ekki koma börnum sínum í leikskóla næsta haust.
Lögð fram eftirfarandi tillaga að bókun:

Bæjarstjórn Akureyrar hefur ákveðið að skoða til hlítar leiðir sem áður hafa verið ræddar til að nýta húsnæði grunnskóla Akureyrarbæjar og fagþekkingu leikskólastigsins með því að setja upp tilraunaverkefni með stofnun 5 ára deildar í húsnæði grunnskóla með sambærilegum hætti og gert hefur verið með góðum árangri í Naustaskóla. Með þessu opnast leiðir til að innrita fleiri börn í leikskólana. Þessari vinnu verður flýtt þannig að hægt verði að meta kostnað við aðgerð sem þessa og taka ákvörðun sem fyrst. Það er von okkar að víðtæk sátt náist um þessa leið.



Bæjarstjórn samþykkir framlagða tillögu að bókun með 11 samhljóða atkvæðum.

6.Starfsáætlun og stefnuumræða nefnda 2017 - velferðarráð

2017020013

Starfsáætlun og stefnuumræða velferðarráðs.

Erla Björg Guðmundsdóttir formaður velferðarráðs gerði grein fyrir starfsáætlun ráðsins.
Almennar umræður.

7.Skýrsla bæjarstjóra

2010090095

Eiríkur Björn Björgvinsson bæjarstjóri fór yfir helstu atriði í störfum sínum frá síðasta fundi bæjarstjórnar.
Eftirtaldar fundargerðir eru lagðar fram til kynningar:


Afgreiðslufundur byggingarfulltrúa 6. apríl 2017
Bæjarráð 6. og 19. apríl 2017
Frístundaráð 6. apríl 2017
Kjarasamninganefnd 7. apríl 2017
Skipulagsráð 12. apríl 2017
Stjórn Akureyrarstofu 6. apríl 2017
Umhverfis- og mannvirkjaráð 7. apríl 2017
Velferðarráð 5. apríl 2017

Hægt er að nálgast fundargerðirnar á heimasíðu Akureyrarbæjar / www.akureyri.is /
Stjórnkerfið / Fundargerðir

Fundi slitið - kl. 20:30.