Bæjarstjórn

Lögð fram tillaga um að Sigríður Huld Jónsdóttir verði kosin varaformaður bæjarráðs.

4. liður í fundargerð skipulagsnefndar dagsett 9. nóvember 2016:

Erindi dagsett 7. september 2016 þar sem Logi Már Einarsson fyrir hönd Norðurbiks ehf., kt. 410704-2260, sækir um breytingu á deiliskipulagi fyrir Ægisnes 2. Skipulagsnefnd heimilaði umsækjanda þann 14. september 2016 að leggja fram tillögu að breytingu á deiliskipulagi. Deiliskipulagsbreytingin var grenndarkynnt frá 5. október og var athugasemdafrestur til 5. nóvember 2016.

Engin athugasemd barst.

Óskað var eftir umsögn Minjastofnunar Íslands og barst hún 28. október 2016.

Engar fornleifar eru þekktar á hinu breytta skipulagssvæði og eru því ekki gerðar athugasemdir.

Athygli er þó vakin á lögum um menningarminjar nr. 80/2012.

Skipulagsnefnd leggur til við bæjarstjórn að skipulagsbreytingin verði samþykkt og felur skipulagsstjóra að annast gildistöku hennar.

5. liður í fundargerð skipulagsnefndar dagsett 9. nóvember 2016:

Erindi dagsett 25. júlí 2016 þar sem Anton Örn Brynjarsson fyrir hönd Vélsmiðju Steindórs, kt. 690269-3769, sækir um deiliskipulagsbreytingu fyrir Frostagötu 6a. Deiliskipulagsbreytingin var grenndarkynnt frá 5. október með athugasemdafresti til 5. nóvember 2016.

Umsögn barst frá Norðurorku, dagsett 10. október 2016.

Leiði framkvæmdir lóðarhafa til þess að lögnum þurfi að hnika til fellur sá kostnaður á lóðarhafa.

Skipulagsnefnd leggur til við bæjarstjórn að skipulagsbreytingin verði samþykkt og felur skipulagsstjóra að annast gildistöku hennar.

3. liður í fundargerð bæjarráðs dagsett 10. nóvember 2016:

Lagður fram viðauki nr. 3.

Jón Bragi Gunnarsson hagsýslustjóri og Dan Jens Brynjarsson fjármálastjóri sátu fund bæjarráðs undir þessum lið.

Bæjarráð samþykkir framlagðan viðauka og vísar honum til staðfestingar í bæjarstjórn.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta fundi bæjarstjórnar.