Bæjarstjórn

1. liður í fundargerð skipulagsnefndar dagsett 10. febrúar 2016:

Fram haldið umræðu um tillögu skipulagsstjóra að skipulagslýsingu fyrir Aðalskipulag Akureyrar 2018-2030.

Skipulagsnefnd leggur til við bæjarstjórn að tillagan verði auglýst skv. 30. gr. skipulagslaga nr. 123/2010 og send Skipulagsstofnun til umsagnar.

3. liður í fundargerð skipulagsnefndar dagsett 10. febrúar 2016:

Tillaga að deiliskipulagi var auglýst frá 22. desember 2015 með athugasemdafresti til 3. febrúar 2016. Auglýsingar birtust í Lögbirtingablaði og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Engin athugasemd barst.

Sex umsagnir bárust:

1) Kirkjugarðar Akureyrar, dagsett 8. janúar 2016.

Engin athugasemd er gerð.

2) Heilbrigðiseftirlit Norðurlands eystra, dagsett 2. febrúar 2016.

Engin athugasemd er gerð.

3) Lögmannshlíðarsókn, dagsett 2. febrúar 2016.

Engin athugasemd er gerð.

4) Norðurorka, dagsett 4. febrúar 2016.

Norðurorka telur sig hafa komið fram með þær athugasemdir sem þörf er á.

5) Kirkjugarðaráð, dagsett 1. febrúar 2016.

Engin athugasemd er gerð. Bent er á að ef skipulag hefur í för með sér breytingar á umhverfi og/eða aðkomu að kirkju og kirkjugarði, er nauðsynlegt að samráð sé haft við viðkomandi sóknarnefnd/kirkjugarðsstjórn.

6) Minjastofnun Íslands, dagsett 3. febrúar 2016.

Bæjarstæði Lögmannshlíðar lendir innan fyrirhugaðs framkvæmdasvæðis. Nákvæm staðsetning og útmörk bæjarstæðisins eru óljós. Rannsókna er þörf áður en til framkvæmda kemur. Þar sem langur tími gæti liðið þar til framkvæmdir á umræddu svæði hefjast getur Minjastofnun fallist á að afmarkað verði 'hættusvæði' á skipulagsuppdrátt sem tryggi það að framkvæmdir eða gróðursetning trjáa fari ekki fram á umræddu svæði án nauðsynlegra rannsókna og samráðs við þjóðminjavörsluna. Með þessu væri verið að fresta rannsóknum þar til síðar og niðurstaða þeirra gæti kallað á breytingar á skipulaginu.

Að teknu tilliti til athugasemda Minjastofnunar leggur skipulagsnefnd til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

4. liður i fundargerð skipulagsnefndar dagsett 10. febrúar 2016:

Tillaga að breytingu á deiliskipulagi var grenndarkynnt frá 15. janúar 2016 og lauk henni með undirskriftum allra sem hana fengu þann 26. janúar 2016.

Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.

7. liður í fundargerð skipulagsnefndar dagsett 10. febrúar 2016:

Erindi dagsett 18. september 2015 þar sem Haraldur Árnason f.h. Úrbótarmanna ehf., kt. 410683-0599, sækir um breytta staðsetningu á rotþró fyrir frárennsli húsa við Götu sólarinnar. Skipulagsnefnd heimilaði umsækjanda þann 30. september 2015 að leggja fram tillögu að breytingu á deiliskipulagi. Tillagan er dagsett 15. desember 2015 og unnin af Steinmari H. Rögnvaldssyni hjá H.S.Á. Teiknistofu.

Þar sem um óverulega breytingu á gildandi deiliskipulagi er að ræða leggur skipulagsnefnd til við bæjarstjórn að tillagan verði grenndarkynnt skv. 2. mgr. 43. gr. skipulagslaga nr. 123/2010.

Starfsáætlun og stefnuumræða skipulagsnefndar.

Í samræmi við samþykkt bæjarstjórnar frá 21. apríl 2015 um að formaður fastanefndar sem ekki á sæti í bæjarstjórn, mæti á fund bæjarstjórnar, hafi framsögu, taki þátt í umræðum og svari fyrirspurnum þegar umræða um stefnu og starfsáætlun málaflokksins fer fram, mætti Tryggvi Már Ingvarsson formaður skipulagsnefndar og gerði grein fyrir starfsáætlun nefndarinnar.

Almennar umræður.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta fundi bæjarstjórnar.