Bæjarráð

3469. fundur 20. ágúst 2015 kl. 08:30 - 12:20 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Silja Dögg Baldursdóttir
  • Eva Hrund Einarsdóttir
  • Margrét Kristín Helgadóttir
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Silja Dögg Baldursdóttir L-lista mætti í forföllum Matthíasar Rögnvaldssonar.
Eva Hrund Einarsdóttir D-lista mætti í forföllum Gunnars Gíslasonar.

1.Íbúalýðræði og gagnsæ stjórnsýsla

Málsnúmer 2015020002Vakta málsnúmer

Andrea Sigrún Hjálmsdóttir fulltrúi í vinnuhópi um íbúalýðræði og gagnsæja stjórnsýslu hjá Akureyrarbæ mætti á fund bæjarráðs og fór yfir stöðu verkefnisins.
Katrín Björg Ríkarðsdóttir aðstoðarmaður bæjarstjóra sat fund bæjarráð undir þessum lið.
Bæjarráð þakkar Andreu fyrir yfirferðina.

2.Akureyrarbær - stjórnsýsluúttekt

Málsnúmer 2015080042Vakta málsnúmer

Farið yfir fyrirkomulag stjórnsýsluúttektar hjá Akureyrarbæ.
Arnar Jónsson ráðgjafi hjá Capacent mætti á fund bæjarráðs undir þessum lið.
Katrín Björg Ríkarðsdóttir aðstoðarmaður bæjarstjóra sat einnig fund bæjarráð undir þessum lið.
Bæjarráð þakkar Arnari komuna á fundinn.

3.Jafnréttisstefna 2015-2019

Málsnúmer 2015060217Vakta málsnúmer

2. liður í fundargerð samfélags- og mannréttindaráðs dagsett 11. júní 2015:
Framkvæmdastjóri lagði fram ný drög að Jafnréttisstefnu Akureyrarbæjar 2015-2019.
Samfélags- og mannréttindaráð vísar drögum að jafnréttisstefnu til umsagnar hjá deildum og nefndum Akureyrarbæjar.
Í samræmi við nýtt ákvæði í stefnunni, tilnefnir ráðið Vilberg Helgason sem þróunarleiðtoga innan samfélags- og mannréttindaráðs. Hlutverk þróunarleiðtoga er að vera málsvarar kynjasamþættingar.

Katrín Björg Ríkarðsdóttir aðstoðarmaður bæjarstjóra sat fund bæjarráð undir þessum lið.
Bæjarráð vísar drögum að jafnréttisstefnu til samfélags- og mannréttindaráðs með þeim ábendingum sem ræddar voru á fundinum.

4.Aðalskipulagsbreyting - Hörgársveit - tilfærsla Lónsins við sláturhús B. Jensen

Málsnúmer 2013050008Vakta málsnúmer

1. liður í fundargerð skipulagsnefndar dagsett 12. ágúst 2015:
Erindi dagsett 12. maí 2015 frá Snorra Finnlaugssyni sveitarstjóra Hörgársveitar sem óskar eftir breytingu á sveitarfélagamörkum með tilfærslu Lónslækjar til suðurs á móts við sláturhús B. Jensen í Hörgársveit, þannig að hægt verði að koma fyrir viðbyggingu við þá starfsemi sem þar er.
Skipulagsnefnd fól skipulagsstjóra að láta vinna aðalskipulagsbreytingu á sveitarfélagamörkunum vegna færslu Lónslækjar í samræmi við umræður á fundi skipulagsnefndar 13. maí 2015.
Staðgengill skipulagsstjóra lagði fram tillögu að aðalskipulagsbreytingu dagsetta 15. júli 2015 unna af Árna Ólafssyni frá Gylfa Guðjónssyni og félögum ehf.
Breyting þessi felur ekki í sér stefnu um leyfisveitingar til framkvæmda, sem tilgreindar eru í lögum um mat á umhverfisáhrifum nr. 106/2000 og er hún því ekki háð lögum nr. 105/2006 um umhverfismat áætlana. Breytingin er óveruleg og hefur hvorki áhrif á ósnortna náttúru, jarðmyndanir og vistkerfi, sem njóta sérstakrar verndar, verndarsvæði né skráðar fornminjar. Breytingin hefur ekki í för með sér neikvæð áhrif á nágranna eða landnotkun og nýtingu aðliggjandi svæða.

Skipulagsnefnd leggur því til við bæjarstjórn að tillagan verði samþykkt í samræmi við 2. mgr. 36. gr. skipulagslaga nr. 123/2010 og skipulagsstjóra falið að annast gildistöku hennar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 2. júní 2015.
Bæjarráð samþykkir tillögu skipulagsnefndar.

5.Bæjarstjórn Akureyrar - breytingar í nefndum 2014-2018

Málsnúmer 2014060234Vakta málsnúmer

Lögð fram tillaga frá L-lista um breytingu á skipan aðalmanns, varaformanns og varamanns í velferðarráði svohljóðandi:
Róbert Freyr Jónsson, kt. 150972-4349, tekur sæti aðalmanns og varaformanns í velferðarráði í stað Jóhanns Gunnars Sigmarssonar, kt. 230281-4759 og Inda Björk Gunnarsdóttir, kt. 170571-4799, tekur sæti varamanns í velferðarráði í stað Rósu Matthíasdóttur, kt. 030175-4849.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 2. júní 2015.
Bæjarráð samþykkir framlagða tillögu.

Fundi slitið - kl. 12:20.